- 2020-02-28 09:33:25
- ផលិតផលថ្មី
vivo ចេញ Concept ទូរសព្ទថ្មី បង្កប់កាមេរ៉ា Selfie ក្រោមអេក្រង់
- 2020-02-28 09:33:25
- ចំនួនមតិ 0 | ចំនួនចែករំលែក 0
vivo ចេញ Concept ទូរសព្ទថ្មី បង្កប់កាមេរ៉ា Selfie ក្រោមអេក្រង់
ចន្លោះមិនឃើញ
APEX 2020 ដែលជាប្រភេទស្មាតហ្វូន Concept របស់ vivo បានបង្ហាញវត្តមានជាផ្លូវការ អាចឲ្យគេដឹងអំពីបច្ចេកវិទ្យាពិសេសៗមួយចំនួនដែល vivo បានសំងំបង្កើតឡើង។
ស្មាតហ្វូននេះមានបំពាក់អេក្រង់ ៦,៤៥ អ៊ីញ ជាប្រភេទ FullView ដែលអាចបង្ហាញរូបភាពក្នុងកម្រិត ២៣៣០ x ១០៨០ ភីកសែល ហើយដែលពិសេសនោះគឺមានបង្កប់នូវកាមេរ៉ា Selfie ទំហំ ១៦MP នៅពីក្នុង។ កាមេរ៉ា Selfie នេះគឺប្រើប្រាស់វិធីសាស្ត្រ 4-in-1 Pixel Binning ដែលអាចបង្កើតបានរូបសន្លឹកមានទំហំ ៤MP ហើយវាមានគ្របដណ្ដប់ដោយកញ្ចក់ដែលងាយចាំងឆ្លុះពន្លឺជាងកញ្ចក់ការពារកាមេរ៉ាធម្មតា ៦ ដងឯណោះ។
ចំណែកកាមេរ៉ាខាងក្រោយក៏គួរឲ្យចាប់អារម្មណ៍ដែរ។ ដំបូងគឺមានកាមេរ៉ាកម្រិត ៤៨MP ដែលមានបច្ចេកវិទ្យាលំនឹងដូចជាដងទប់លំនឹងអ៊ីចឹង ដោយ vivo អះអាងថាមានសមត្ថភាពទប់លំនឹងបានល្អជាងប្រព័ន្ធ OIS ធម្មតា។ Sensor នៃកាមេរ៉ានេះក៏ប្រើវិធីសាស្ត្រ Pixel Binning ដែរ ដែលអាចផលិតរូបភាពទំហំ ១២MP មានកម្រិតច្បាស់ល្អ។
មួយទៀតគឺជាប្រភេទកាមេរ៉ា Periscope ដែលមានទំហំ ១៦MP មានសមត្ថភាព Zoom បែប Optical បានចាប់ពី ៥ដង ដល់ ៧,៥ដង។ ប្រព័ន្ធឡេន Periscope នេះគឺផ្សំឡើងដោយឡេនជាប់ចំនួនពីរ និងឡេនអាចផ្លាស់ទីបានចំនួនពីរ។
ដោយសារ vivo APEX 2020 មិនមានរន្ធ ដូចនេះអាចសាកតាមវិធីមិនប្រើខ្សែតែមួយគត់។ vivo ហៅបច្ចេកវិទ្យាសាកថ្មរបស់ខ្លួនថា Super FlashCharge 60W ដែលមានកម្លាំងសាក ៦០ វ៉ាត់ អាចសាកថ្មទំហំ ២០០០ mAh បានពេញ ក្នុងពេលត្រឹម ២០ នាទី។
APEX 2020 នេះនឹងដូចជាទូរសព្ទ Concept ដទៃទៀតរបស់ vivo ដែរ គឺទំនងជាមិនផលិតលក់លើទីផ្សារនោះទេ។ វាគ្រាន់តែ Concept សម្រាប់បង្ហាញអំពីបច្ចេកវិទ្យាដែលអាចនឹងមានប្រើលើស្មាតហ្វូនអនាគតរបស់ vivo៕