- 2020-02-26 02:12:26
- ផលិតផលថ្មី
ឡានអាចការពារវីរុសកូរ៉ូណាបាន ចេញលក់ជាផ្លូវការ តម្លៃ ១៦ ៥០០ដុល្លារ
- 2020-02-26 02:12:26
- ចំនួនមតិ 0 | ចំនួនចែករំលែក 0
ឡានអាចការពារវីរុសកូរ៉ូណាបាន ចេញលក់ជាផ្លូវការ តម្លៃ ១៦ ៥០០ដុល្លារ
ចន្លោះមិនឃើញ
ក្រុមហ៊ុនរថយន្ត Geely បានចាប់ផ្ដើមបញ្ចេញលក់រថយន្ត SUV ខ្នាតតូចឈ្មោះ Icon របស់ខ្លួនក្នុងប្រទេសចិននាថ្ងៃទី ២៤ ខែកុម្ភៈ តាមរយៈការប្រកាសលើអនឡាញនិងមានមនុស្សរាប់លាននាក់ចូលទស្សនា។
មុនការប្រកាសចេញជាផ្លូវការ ក្រុមហ៊ុនបានបើកទទួលការកុម្ម៉ង់ទិញទុកមុន ដោយក្នុងពេលតែប៉ុន្មានម៉ោង ទទួលបានការកុម្ម៉ង់ជាង ៣០ ០០០ គ្រឿងឯណោះ។ វាជាសញ្ញាបង្ហាញថា Icon នេះគឺជា SUV ពេញនិយមខ្លាំងជាងគេបំផុតរបស់ Geely។
រថយន្តនេះគឺមានចំណុចទាក់ទាញខ្លាំងមួយសម្រាប់អតិថិជននៅចិន ក្នុងអំឡុងពេលដែលវីរុសកូរ៉ូណាបានរាលដាលខ្លាំង នោះគឺការបំពាក់ជាមួយបច្ចេកវិទ្យាឆ្លាតវៃឈ្មោះ Intelligent Air Purification System (ហៅកាត់ IAPS)។ បច្ចេកវិទ្យានេះគឺដំណើរការជាមួយម៉ាស៊ីនត្រជាក់ ហើយមុខងាររបស់វាគឺការពារ និងកម្ចាត់ចោលនូវវត្ថុធាតុដែលអាចប៉ះពាល់ដល់សុខភាពមានក្នុងរថយន្ត រួមមានបាក់តេរី និងវីរុស។
រថយន្ត Icon នេះដែរ ប្រើប្រាស់ម៉ាស៊ីន Turbocharged ៤ ស៊ីឡាំង ចំណុះ ១,៥ លីត្រ ភ្ជាប់នឹងប្រព័ន្ធ Hybrid និងប្រអប់លេខស្វ័យប្រវត្តិ ៧ វគ្គ។ ម៉ាស៊ីនសាំងអាចបង្កើតកម្លាំងបាន ១៧៤ សេះ ចំណែកម៉ូទ័រអគ្គិសនីបង្កើតកម្លាំងបាន ១៣,៤ សេះ បន្ថែមទៀត។
កម្រិតស៊ីប្រេងជាមធ្យមគឺ ៥,៧ លីត្រ ក្នុងចម្ងាយ ១០០ គីឡូម៉ែត្រ និងអាចស្ទុះពី ០-១០០ គ.ម/ម៉ ក្នុងពេល ៧,៩ វិនាទី។ តម្លៃលក់នៅប្រទេសចិនគឺមានចន្លោះពី ១៦ ៥០០ ដុល្លារ ដល់ ១៨ ៣០០ ដុល្លារ៕
