- 2020-01-28 02:26:50
- ព័ត៌មាន
សិង្ហបុរីទប់ស្កាត់ការចែកចាយព័ត៌មានមិនពិត អំពីវីរុសកូរ៉ូណាយ៉ាងមានប្រសិទ្ធភ្លាម
- 2020-01-28 02:26:50
- ចំនួនមតិ 0 | ចំនួនចែករំលែក 0
សិង្ហបុរីទប់ស្កាត់ការចែកចាយព័ត៌មានមិនពិត អំពីវីរុសកូរ៉ូណាយ៉ាងមានប្រសិទ្ធភ្លាម
ចន្លោះមិនឃើញ
ទន្ទឹមនឹងការកើតមាននូវករណីឆ្លងវីរុសកូរ៉ូណាលើជនជាតិចិនម្នាក់ចូលមកប្រទេសកម្ពុជា ប្រភពគណនីនិងទំព័រមួយចំនួនបានព្យាយាមចែកចាយព័ត៌មានមិនពិតនិងបំភ្លៃព័ត៌មាន បង្កឲ្យមានចលាចលកាន់តែខ្លាំងឡើង។
ករណីបែបនេះមិនថាតែនៅប្រទេសយើងនោះទេ សូម្បីនៅប្រទេសរីកចម្រើនខ្លាំងដូចសិង្ហបុរី ក៏នៅតែមានជនបំពុលសង្គមបែបនេះដូចគ្នា។
កន្លងទៅក្រសួងសុខាភិបាលរបស់សិង្ហបុរីបានចាត់វិធានការទប់ស្កាត់និងធ្វើការព្រមានភ្លាមៗទៅលើគេហទំព័រ HardwareZone ដែលស្ថិតក្រោមការគ្រប់គ្រងដោយស្ថាប័ន SPH Magazines ដែលចែកចាយព័ត៌មានមិនពិត ថាមានបុរសវ័យ ៦៦ ឆ្នាំម្នាក់បានបាត់បង់ជីវិតដោយសារវីរុសកូរ៉ូណាក្នុងប្រទេសសិង្ហបុរី ទាំងគិតត្រឹមថ្ងៃទី ២៧ មករាកន្លងទៅមានត្រឹមតែករណីឆ្លងជាក់លាក់ចំនួន ៤ នាក់តែប៉ុណ្ណោះ។
ជុំវិញការបំប៉ោងព័ត៌មានដូចខាងលើ ក៏ត្រូវបានរដ្ឋមន្រ្តីក្រសួងពាណិជ្ជកម្មលោក Chan Chun Sing បានទទូចឲ្យបញ្ឈប់ ព្រោះអាចបង្កផលប៉ះពាល់ដល់ផ្នែកសេដ្ឋកិច្ចនៃប្រទេសទាំងមូលបាន។ លោកបញ្ជាក់ថា៖ "វានឹងជះឥទ្ធិពលខ្លាំងដល់ផ្នែកសេដ្ឋកិច្ច អាជីវកម្ម និងភាពជឿទុកចិត្តរបស់អ្នកប្រើប្រាស់នៅឆ្នាំនេះ ទន្ទឹមដែលស្ថានភាពនេះក៏រំពឹងនឹងកាន់តែបន្តរាលដាលខ្លាំងនៅពេលខាងមុខ"។
ដោយឡែករដ្ឋមន្រ្តីក្រសួងព័ត៌មានលោក S Iswaran ក៏បញ្ជាក់ដែរថា៖ "យើងចាំបាច់ត្រូវចេញសកម្មភាពបញ្ឈប់និងទប់ស្កាត់ភ្លាមៗនូវរាល់ព័ត៌មានមិនពិត មិនដូច្នោះទេពួកគេនឹងធ្វើឲ្យពលរដ្ឋមានការភ័ន្តច្រឡំ"៕
អានអត្ថបទ:
