រុស្ស៊ីត្រៀមឡាន SUV ប្រណីតមួយទៀត ប្រជែងនឹង Rolls-Royce Cullinan

2020-01-23 02:24:23
ព័ត៌មាន

2020-01-23 02:24:23
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្ត SUV ប្រណីតរបស់ក្រុមហ៊ុនរថយន្តរុស្ស៊ីត្រូវបានប្រទះឃើញបើកបរសាកល្បងនៅលើដងផ្លូវក្នុងប្រទេសស៊ុយអែត កាលពីថ្មីៗនេះ។

គេបានដឹងរួចមកហើយថាក្រុមហ៊ុនផលិតរថយន្តប្រណីតរបស់រុស្ស៊ី Aurus Motors គឺមានផែនការធំ មិនមែនត្រឹមតែផលិតរថយន្ត Senat S600 ប្រភេទ Sedan និង Senat L700 ដែលជាប្រភេទ Limousine នោះទេ។ ក្រុមហ៊ុនគឺមានគោលដៅផលិតរថយន្តប្រណីតច្រើនប្រភេទ ក្នុងនោះរួមមានប្រភេទ SUV ដែលមានឈ្មោះថា Komendant និងរថយន្តប្រភេទ Minivan ឈ្មោះ Arsenal ផងដែរ។

សម្រាប់ប្រភេទ SUV ប្រណីត បើមើលតាមរូបរាងដែលគេថតបាន គឺវាមានការរចនាផ្នែកខាងមុខស្រដៀងនឹងរថយន្ត Rolls-Royce ជាពិសេសនៅត្រង់រន្ធខ្យល់ និងភ្លើង LED។ មើលឃើញរូបរាងនេះធ្វើឲ្យនឹកដល់ Rolls-Royce Cullinan ដែលជា SUV ប្រណីតនិងលក់ដាច់បានច្រើនបំផុត។

ផ្នែកខាងក្នុងវិញទំនងជាមានការឌីហ្សាញដូចនឹងរថយន្ត Senat ប្រភេទ Sedan ដែរ។ SUV នេះរំពឹងថាប្រើប្រព័ន្ធម៉ាស៊ីន Hybrid ដែលមានម៉ាស៊ីនសាំងចំណុះ ៤,៤ លីត្រ ៨ ស៊ីឡាំង ដែលផលិតកម្លាំងបាន ៥៩០ សេះ។

ខណៈដែល Aurus Senat នឹងចាប់ផ្ដើមចេញលក់នៅឆ្នាំ ២០២១ អតិថិជននៅរុស្ស៊ីនឹងត្រូវរង់ចាំរហូតដល់ឆ្នាំ ២០២២ ទើបអាចបានជិះរថយន្ត Komendant នេះ។ នៅឆ្នាំ ២០២០ ក្រុមហ៊ុន Aurus Motors រំពឹងថាផលិតរថយន្តប្រមាណ ២០០ គ្រឿងប៉ុណ្ណោះ ដែលរថយន្តទាំងអស់គឺសម្រាប់មន្ត្រីក្នុងជួររដ្ឋាភិបាល៕

ប្រភព៖ carscoops ប្រែសម្រួល៖ សុខហេង