- 2020-01-23 02:04:25
- ព័ត៌មាន
Galaxy S20 តម្លៃថោកបំផុត ១០៣០ដុល្លារ នៅទីផ្សារមួយ
- 2020-01-23 02:04:25
- ចំនួនមតិ 0 | ចំនួនចែករំលែក 0
Galaxy S20 តម្លៃថោកបំផុត ១០៣០ដុល្លារ នៅទីផ្សារមួយ
ចន្លោះមិនឃើញ
សល់តែប៉ុន្មានសប្ដាហ៍ទៀតត្រកូល Galaxy S20 នឹងត្រូវបង្ហាញខ្លួនជាផ្លូវការ ហើយវិបសាយ TuttoAndroid បានប្រាប់ឲ្យដឹងអំពីតម្លៃរបស់ស្មាតហ្វូនជំនាន់ថ្មីនៅលើទីផ្សារអ៊ីតាលី ដែលគេអាចស្មានដឹងតម្លៃលក់នៅទីផ្សារអឺរ៉ុបទាំងមូល។
ចាប់ផ្ដើមពី Galaxy S20 ធម្មតា Samsung គ្រោងលក់វាក្នុងតម្លៃ ៩២៩ អឺរ៉ូ (ស្មើប្រមាណ ១០៣០ដុល្លារ) នៅប្រទេសអ៊ីតាលី។ តម្លៃនៅអ៊ីតាលីតែងតែថ្លៃជាងតម្លៃនៅប្រទេសដទៃទៀតក្នុងតំបន់អឺរ៉ុបប្រមាណ ១០ អឺរ៉ូ មានន័យថានៅទីផ្សារអឺរ៉ុបស្មាតហ្វូន Galaxy S20 ធម្មតាអាចមានតម្លៃ ៩១៩ អឺរ៉ូ (ប្រមាណ ១០១៩ដុល្លារ)។ បើប្រៀបនឹងឆ្នាំទៅ Galaxy S10 នៅអឺរ៉ុបគឺមានតម្លៃចាប់ពី ៨៩៩ អឺរ៉ូ ទៅ ៩០៩ អឺរ៉ូ។
Galaxy S20 ធម្មតាក៏នឹងមានដាក់លក់ជាមួយជម្រើសមានសេវា 5G ដែលនឹងមានឈ្មោះថា Galaxy S20 5G។ Samsung នឹងដំឡើងតម្លៃ ១០០អឺរ៉ូបន្ថែម (ប្រមាណ ១១០ដុល្លារ) សម្រាប់ប្រព័ន្ធ 5G ដូចនេះតម្លៃលក់រាយគឺមានចាប់ពី ១០២៩ អឺរ៉ូ (ប្រមាណ ១១៤១ដុល្លារ)។
បន្ទាប់មកគឺ Galaxy S20+ និង Galaxy S20+ 5G ដែលនឹងមានតម្លៃចាប់ពី ១០២៩ អឺរ៉ូ (ប្រមាណ ១១៤១ដុល្លារ) និង ១១២៩ អឺរ៉ូ (ប្រមាណ ១២៥១ដុល្លារ)។ ប្រៀបធៀបនឹង S10+ ឆ្នាំមុនគឺមានលក់តម្លៃចាប់ពី ៩៩៩ អឺរ៉ូ (ប្រមាណ ១១០៧ដុល្លារ)។
ចំណែក Galaxy S20 Ultra ដែលជាស៊េរីខ្ពស់ជាងគេនោះគឺមានតម្លៃ ១៣៧៩ អឺរ៉ូ (ដែលស្មើប្រមាណ ១៥២៩ ដុល្លារ)។ Galaxy S10 5G ស៊េរីខ្ពស់ជាងគេដែលចេញលក់ឆ្នាំមុនគឺមានតម្លៃ ១២៤៩ អឺរ៉ូ (ប្រមាណ ១៣៨៥ ដុល្លារ)។
បញ្ជាក់ថាត្រកូល Galaxy S20 នឹងប្រកាសចេញនៅថ្ងៃទី ១១ ខែកុម្ភៈខាងមុខ ដែលរំពឹងថាប្រកាសចេញជាមួយទូរសព្ទបត់អេក្រង់ជំនាន់ថ្មី៕