- 2020-01-22 02:13:48
- ព័ត៌មាន
iPhone តម្លៃថោកស៊េរីថ្មី នឹងចូលរោងចក្រផលិតទ្រង់ទ្រាយធំនាខែក្រោយ
- 2020-01-22 02:13:48
- ចំនួនមតិ 0 | ចំនួនចែករំលែក 0
iPhone តម្លៃថោកស៊េរីថ្មី នឹងចូលរោងចក្រផលិតទ្រង់ទ្រាយធំនាខែក្រោយ
ចន្លោះមិនឃើញ
ផ្អែកតាមការចុះផ្សាយថ្មីមួយរបស់សារព័ត៌មាន Bloomberg បានឲ្យដឹងថា iPhone តម្លៃធូរស៊េរីថ្មីរបស់ Apple នឹងចាប់ផ្ដើមការផលិតទ្រង់ទ្រាយធំនាខែក្រោយនេះ។ iPhone តម្លៃធូរថ្មីនេះត្រូវបានគេហៅឈ្មោះថា iPhone SE 2 ឬ iPhone 9។
ការចុះផ្សាយដដែលនិយាយថា Apple កំពុងរៀបចំបង្ហាញ iPhone នេះជាផ្លូវការនៅដើមខែមីនា យ៉ាងលឿន ដោយការផលិតនឹងត្រូវចែកគ្នារវាងរោងចក្រ Foxconn, Pegatron និង Winstron។
អំពីលក្ខណៈសម្បត្តិដែលគេរំពឹងទុក Bloomberg បានលើកឡើងដូចនឹងអ្វីដែលសារព័ត៌មានដទៃចុះផ្សាយកន្លងមក។ វានឹងមានមុខងារ TouchID បំពាក់លើប៊ូតុង Home, ប្រើប្រាស់ឈីប A13 ដូចនឹង iPhone 11 និងការឌីហ្សាញស្រដៀងនឹង iPhone 8។ នេះមានន័យថាអាចមានអេក្រង់ LCD ទំហំ ៤,៧ អ៊ីញ និងមានកាមេរ៉ាក្រោយមួយគ្រាប់។
កន្លងមកអ្នកវិភាគ Ming-Chi Kyo ធ្លាប់បានព្យាករណ៍ថា iPhone SE 2/iPhone 9 អាចមានតម្លៃថោកបំផុតចាប់ពី ៣៩៩ ដុល្លារ។ បច្ចុប្បន្ននេះ Apple លក់ iPhone 8 ទំហំ ៦៤GB តម្លៃ ៤៤៩ ដុល្លារ ដូចនេះ iPhone SE 2 ដែលមានឈីប A13 អាចជាជម្រើសល្អសម្រាប់អ្នកចង់ឡើងស៊េរី៕