• 2020-01-17 06:19:10
  • ផលិតផលថ្មី

Xiaomi ចេញ​លក់​ម៉ាស៊ីន​ត្រជាក់​បញ្ជា​បិទ​បើក​ដោយ​សំឡេង តម្លៃ​ត្រឹម ៣០០ ដុល្លារ​ស្តើង

  • 2020-01-17 06:19:10
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗ​នេះ​ក្រុមហ៊ុន Xiaomi ទើប​តែ​ប្រកាស​ចេញ​ផ្សាយ​នូវ​ផលិតផល​ម៉ាស៊ីន​ត្រជាក់​របស់​ខ្លួន​ ឲ្យ​ឈ្មោះ​ថា Xiaomi Smartmi Air Conditioner A ដែល​មាន​ពីរ​ប្រភេទ ហើយ​អាច​ជួយ​សន្សំសំចៃ​ថាមពល​អគ្គិសនី​បាន​ខ្ពស់​បើ​ធៀប​នឹង​ស្លាកយីហោ​ដទៃ។

វា​មាន​កម្រិត​សន្សំសំចៃ​ភ្លើង APF ៤,៦៥ ដែល​ខ្ពស់​ជាង​ប្រភេទ​ស្តង់ដារ​ធម្មតា​នៅ​ទីផ្សារ​ចិន ៤,៥ ញាំង​ឲ្យ​ម៉ាស៊ីន​ត្រជាក់​ជំនាន់​ក្រោយ​នេះ អាច​សន្សំ​ថាមពល​បាន​ល្អ​ជាង​មុន​ដល់​ទៅ ២០ ភាគរយ។

ជាង​នេះ​អាច​បញ្ជា​បាន​តាម​រយៈ​ស្មាតហ្វូន និង​គាំទ្រ​ការ​បញ្ជា​ដោយ​ប្រព័ន្ធ​សំឡេង​តាម​រយៈ​កម្មវិធី Xiao AI ក្នុង​ការ​ដំឡើង​ឬ​ទម្លាក់​សីតុណ្ហភាព និង​បញ្ជា​ឲ្យ​បិទ​បើក​ជា​ដើម។ តម្លៃ​របស់​វា​មាន​ដូច​ខាង​ក្រោម៖

  • ប្រភេទ ១ សេះ តម្លៃ ២ ២៩៩ យន់​ឬ​ជាង ៣៣៥ ដុល្លារ
  • ប្រភេទ ១,៥ សេះ តម្លៃ ២ ៦៩៩ យន់​ឬ​ជាង ៣៩២ ដុល្លារ

អានអត្ថបទ:

ប្រភព៖ techmoblog ប្រែ​សម្រួល៖ កៅ រក្សា

មតិយោបល់