- 2020-01-16 09:11:13
- ព័ត៌មាន
ផលប្រយោជន៍ពិសេស ៦ ដែលបុគ្គលិក Apple ទទួលបាន
- 2020-01-16 09:11:13
- ចំនួនមតិ 0 | ចំនួនចែករំលែក 0
ផលប្រយោជន៍ពិសេស ៦ ដែលបុគ្គលិក Apple ទទួលបាន
ចន្លោះមិនឃើញ
បើពិនិត្យមើលលើការវាយតម្លៃអំពី Apple នៅលើវិបសាយការងារ Glassdoor គេអាចដឹងថា បុគ្គលិក Apple ទទួលបានផលប្រយោជន៍ពិសេសចំនួន ៦ ដែលក្រុមហ៊ុនផ្ដល់ឲ្យ។ ក្នុងនោះរួមមាន ៖
១. បុគ្គលិក Apple អាចទទួលបានបញ្ចុះតម្លៃប្រចាំឆ្នាំ ២៥% នៅពេលពួកគេទិញ iPod កុំព្យូទ័រ ឬ iPad។ រៀងរាល់ ៣ឆ្នាំ បុគ្គលិកអាចទទួលបានការបញ្ចុះតម្លៃ ២៥០ដុល្លារ សម្រាប់ iPad ឬ ៥០០ដុល្លារសម្រាប់កុំព្យូទ័រ Mac។ Software របស់ Apple ក៏មានការបញ្ចុះតម្លៃ ៥០% ផងដែរ។ ក្រុមហ៊ុនថែមមានផ្ដល់ការបញ្ចុះតម្លៃផ្សេងទៀតសម្រាប់គ្រួសារ និងមិត្តរបស់បុគ្គលិក ដែលផ្អែកតាមផលិតផល។
២. Apple អនុញ្ញាតឲ្យបុគ្គលិកដែលជាម្ដាយឈប់សម្រាកដោយមានផ្ដល់ប្រាក់ឈ្នួល រយៈពេល ៤ សប្ដាហ៍ មុនបង្កើតកូន និង ១៤ សប្ដាហ៍បន្ថែមទៀតបន្ទាប់ពីសម្រាលកូន។ ចំណែកឪពុកវិញទទួលបានការឈប់សម្រាកមានប្រាក់ឈ្នួល រយៈពេល ៦ សប្ដាហ៍ផងដែរ។
៣. ក្រុមហ៊ុននេះក៏រ៉ាប់រងលើការចំណាយថ្លៃបង្កកមេជីវិតផងដែរ។
៤. បុគ្គលិកអាចទទួលទានស្រាបៀរ និងអាហារក្លែមនៅកម្មវិធីប្រគំតន្ត្រីរបស់ក្រុមហ៊ុន ដែលមានតារាល្បីជាច្រើនចូលរួម ដោយកន្លងមកធ្លាប់មាន Stevie Wonder, Demi Lovato និង OneRepublic ផងដែរ។
៥. បុគ្គលិក Apple ម្នាក់ដែលធ្វើការនៅ Manhasset ទីក្រុង New York បានឲ្យដឹងថា Apple ផ្ដល់ជូនបុគ្គលិកនូវកញ្ចប់ហាត់ប្រាណ ៣០០ដុល្លារ ក្នុងមួយឆ្នាំ។
៦. នៅ Apple បុគ្គលិកថ្មីថ្មោងទទួលបានថ្ងៃឈប់សម្រាក ១២ ថ្ងៃ ប៉ុន្តែ Glassdoor រាយការណ៍ថាថ្ងៃឈប់កើនឡើង ប្រសិនបើធ្វើការកាន់តែយូរៗទៅ៕