- 2020-01-16 02:28:17
- ព័ត៌មាន
Land Cruiser ប្រភេទ Hybrid អាចនឹងចេញមុខខែសីហា
- 2020-01-16 02:28:17
- ចំនួនមតិ 0 | ចំនួនចែករំលែក 0
Land Cruiser ប្រភេទ Hybrid អាចនឹងចេញមុខខែសីហា
ចន្លោះមិនឃើញ
រថយន្ត Toyota Land Cruiser ដែលកំពុងដាក់លក់លើទីផ្សារនាពេលបច្ចុប្បន្ននេះបានបង្ហាញមុខតាំងពីឆ្នាំ ២០០៨ មកម្ល៉េះ។ កន្លងមកនេះវាទទួលបានការកែប្រែមួយចំនួន ប៉ុន្តែមានរក្សាទ្រង់ទ្រាយដដែល។
ត្បិតថាមានអាយុកាលចាស់ និងរូបរាងមិនប្រែប្រួល ប៉ុន្តែរថយន្ត Land Cruiser នៅតែមានកំណើនលើចំនួនលក់។ ទោះយ៉ាងណាមិនមានន័យថា Toyota មិនធ្វើការកែប្រែរថយន្តនេះទេ។ ការចុះផ្សាយថ្មីមួយពីវិបសាយ BestCarWeb.jp បានឲ្យដឹងអំពីចំណុចពិសេសមួយចំនួននៃ Land Cruiser ជំនាន់ថ្មី ដែលរំពឹងថាប្រកាសចេញនាខែសីហានេះ។
Land Cruiser ថ្មីនឹងប្រើប្រាស់ប្រព័ន្ធម៉ាស៊ីន Hybrid ដែលមានផ្សំឡើងពីម៉ាស៊ីនប្រេងសាំងចំណុះ ៣,៥ លីត្រ ៦ ស៊ីឡាំង អមនឹងម៉ូទ័រអគ្គិសនី អាចបង្កើតកម្លាំងបានសរុប ២៩៥ សេះ។ ប្រភេទនេះគឺចូលមកជំនួស Land Cruiser ប្រភេទម៉ាស៊ីន ៤,៦ លីត្រ ៨ ស៊ីឡាំង ដែលបង្កើតកម្លាំងបាន ៣១៣ សេះ។
ប្រភពដដែលបញ្ជាក់ថា Land Cruiser ជំនាន់ថ្មីនឹងប្រើប្រាស់នូវគ្រោងឆ្អឹង TNGA ថ្មី ដែលបានប្រើប្រាស់លើរថយន្ត Toyota ម៉ូដែលថ្មីជាច្រើនមកហើយ។ ប្រព័ន្ធប្រអប់លេខស្វ័យប្រវត្តិ ៦ វគ្គចាស់ នឹងជំនួសដោយ CVT ដែលប្រើប្រព័ន្ធបើកបរប៉ុង ២ (4WD)៕
ចុចអាន ៖ ពិសេសដល់ម្លឹង! ឡានអត់ប្រើសាំង ហើយអាចដំណើរការដោយថាមពលព្រះអាទិត្យទៀត!