- 2020-01-10 03:56:44
- ព័ត៌មាន
មេ Samsung បានបញ្ជាក់ច្បាស់ៗពីឈ្មោះ Galaxy S ជំនាន់ថ្មីក្នុងកិច្ចប្រជុំសម្ងាត់
- 2020-01-10 03:56:44
- ចំនួនមតិ 0 | ចំនួនចែករំលែក 0
មេ Samsung បានបញ្ជាក់ច្បាស់ៗពីឈ្មោះ Galaxy S ជំនាន់ថ្មីក្នុងកិច្ចប្រជុំសម្ងាត់
ចន្លោះមិនឃើញ
Samsung បានបើកការប្រជុំសម្ងាត់មួយក្នុងកម្មវិធី CES ជាមួយដៃគូ និងក្រុមហ៊ុនផ្គត់សេវាទូរសព្ទ ដែលការប្រជុំនេះគឺមានបង្ហាញអំពីផលិតផលមិនទាន់ប្រកាសចេញជាផ្លូវការ។ វាមិនមែនជារឿងថ្មីនោះទេ ដោយសារ Samsung ធ្លាប់ធ្វើបែបនេះកាលពីកន្លងទៅដែរ។
អ្នកដែលបានចូលរួមការប្រជុំនេះ បានចែករំលែកដំណឹងសំខាន់ចំនួនពីរ។ ទីមួយគឺការបង្ហាញឈ្មោះផ្លូវការនៃស្មាតហ្វូនដែលកន្លងមកគ្រប់គ្នាបានហៅថា Galaxy Fold 2។ បើតាមការប្រកាសរបស់លោក DJ Koh នាយកប្រតិបត្តិ Samsung Mobile បានឲ្យដឹងថាឈ្មោះផ្លូវការរបស់ទូរសព្ទបត់អេក្រង់ស៊េរីថ្មីគឺ Galaxy Bloom។ ដើម្បីបញ្ជាក់អំពីឈ្មោះនេះ គេបានភ្ជាប់នូវរូបភាពមិនច្បាស់មួយសន្លឹកមកជាមួយផងដែរ។
ទីពីរនោះគឺលោក DJ Koh បានបញ្ជាក់អំពីការដាក់ឈ្មោះ Galaxy S ជំនាន់ថ្មី។ ស្មាតហ្វូនបីម៉ូដែលដែលនឹងប្រកាសចេញថ្ងៃទី ១១ ខែកុម្ភៈនោះ នឹងមានឈ្មោះថា Galaxy S20, Galaxy S20+ និង Galaxy S20 Ultra។ Samsung មិនប្រើប្រាស់ឈ្មោះ S11 ក៏ដោយសារចង់អបអរសាទរការចាប់ផ្ដើមនៃទសវត្សថ្មី។
Galaxy S20 Ultra ត្រូវបានគេជឿជាក់ថាមានកាមេរ៉ាមេទំហំ ១០៨ MP និងទ្រាំទ្រការ Zoom បានដល់ទៅ ១០០ ដង។ ស្មាតហ្វូនទាំងបីក៏នឹងមានសមត្ថភាពថតវីដេអូក្នុងកម្រិត 8K ផងដែរ៕
ចុចអាន ៖ Samsung ទើបប្រកាសចេញស្មាតហ្វូន Galaxy ថ្មី អាចដោះថ្មចេញបាន
