- 2020-01-10 02:12:38
- ព័ត៌មាន
Tesla សម្រេចទម្លាក់តម្លៃឡាន Model 3 នៅចិន ៩ពាន់ដុល្លារ
- 2020-01-10 02:12:38
- ចំនួនមតិ 0 | ចំនួនចែករំលែក 0
Tesla សម្រេចទម្លាក់តម្លៃឡាន Model 3 នៅចិន ៩ពាន់ដុល្លារ
ចន្លោះមិនឃើញ
Tesla បានសម្រេចចិត្តទម្លាក់តម្លៃរថយន្តអគ្គិសនី Model 3 ដែលផលិតនៅចិន ពីខ្ទង់ ៥១ ០០០ដុល្លារ មកសល់ត្រឹមតែ ៤២ ៩០០ដុល្លារប៉ុណ្ណោះ។
ក្រុមហ៊ុនរថយន្តអគ្គិសនីអាមេរិកខាងលើ បានដឹកជញ្ជូនរថយន្ត Model 3 ផលិតនៅចិន ឲ្យអតិថិជនរបស់ខ្លួន ចាប់ផ្តើមពីថ្ងៃទី៧ មករាមក។ មិនតែប៉ុណ្ណោះ Tesla បានដឹករថយន្ត Model 3 ចំនួន១៥គ្រឿងឲ្យបុគ្គលិករបស់ខ្លួនទៀតផង រយៈពេល១ឆ្នាំប៉ុណ្ណោះ ក្រោយសាងសង់រោងចក្រ Shanghai Gigafactory ក្នុងទីក្រុងសៀងហៃ។
Tesla បានឲ្យដឹងថា គ្រឿងរថយន្ត ៣០% គឺផ្គត់ផ្គង់ក្នុងស្រុក ហើយសល់ប៉ុន្មានទៀត គឺដឹកពីក្រៅមកដើម្បីផលិតរថយន្ត Model 3 ប៉ុន្តែក្រុមហ៊ុនមានបំណងចង់ឲ្យមានការផ្គត់ផ្គង់គ្រឿងក្នុងស្រុក ១០០% តែម្តង នៅចុងឆ្នាំ២០២០។
គួរឲ្យដឹងថា Shanghai Gigafactory ដែលជារោងចក្ររបស់ Tesla ដំបូងបង្អស់ស្ថិតនៅក្រៅសហរដ្ឋអាមេរិក គ្រោងផលិតរថយន្តឲ្យបាន ២៥០ ០០០គ្រឿងក្នុងមួយឆ្នាំ ដោយក្នុងនោះរួមទាំង រថយន្ត Model Y ផងដែរ៕