- 2020-01-09 03:05:13
- ផលិតផលថ្មី
Samsung ទើបប្រកាសចេញស្មាតហ្វូន Galaxy ថ្មី អាចដោះថ្មចេញបាន
- 2020-01-09 03:05:13
- ចំនួនមតិ 0 | ចំនួនចែករំលែក 0
Samsung ទើបប្រកាសចេញស្មាតហ្វូន Galaxy ថ្មី អាចដោះថ្មចេញបាន
ចន្លោះមិនឃើញ
Samsung បានប្រកាសចេញស្ងាត់ៗនូវស្មាតហ្វូន Galaxy ថ្មី ជាម៉ូដែល XCover Pro ដែលវាមកជំនួសម៉ូដែល XCover 4 ប្រកាសកាលពីឆ្នាំ ២០១៧។
XCover Pro ថ្មីនេះខុសពី XCover ផ្សេងទៀត ដោយសារមានការឌីហ្សាញទាន់សម័យ។ វាមានអេក្រង់ LCD ទំហំ ៦,៣ អ៊ីញ និងមានចោះរន្ធអេក្រង់លើផ្នែកលើខាងឆ្វេង។ អេក្រង់នេះអាចបញ្ជាបានទោះបីដៃសើម ឬពាក់ស្រោមដៃក្ដី។
វាដំណើរការដោយបន្ទះឈីប Exynos 9611 របស់ Samsung អមដោយ RAM ទំហំ ៤GB និងអង្គផ្ទុក ៦៤ GB មានថាមពលថ្មទំហំ ៤០៥០ mAh និងអាចសាកថ្មល្បឿនលឿន ១៥ វ៉ាត់។ កាមេរ៉ាភ្លោះផ្នែកខាងក្រោយគឺមានកាមេរ៉ាមេ ២៥ MP បូកនឹងកាមេរ៉ាមួយទៀតទំហំ ៨ MP ជាប្រភេទ Ultra-Wide ហើយកាមេរ៉ាមុខមានកម្រិត ១៣ MP។
អ្វីដែលធ្វើឲ្យ XCover Pro ខុសពីស្មាតហ្វូន Samsung ស៊េរីថ្មីៗ គឺត្រង់ថាវាអាចដោះថ្មចេញបានដោយងាយ ហើយវាក៏មានសមត្ថភាពការពារទឹកនិងធូលីកម្រិត IP68 និងមានភាពធន់ និងរឹងមាំកម្រិតស្តង់ដារអាមេរិក MIL-STD-810។
XCover Pro ដំណើរការដោយ Android 9 Pie ចេញពីប្រអប់ និងអាចអាប់ដេតឡើងប្រព័ន្ធប្រតិបត្តិការ Android 10 បាននាពេលអនាគត។ ស្មាតហ្វូននេះនឹងមានលក់នៅអឺរ៉ុបចាប់ពីខែកុម្ភៈ ឆ្នាំ ២០២០ ជាមួយតម្លៃរំពឹងថាក្រោម ៥០០ អឺរ៉ូ (ប្រមាណ ៥៥៦ ដុល្លារ)៕