- 2019-12-19 09:30:00
- ព័ត៌មាន
ធ្វើរឿងតែសប្បាយៗសោះ ក្មេងអាយុ ៨ ឆ្នាំ រកលុយបានខ្ទង់លានដុល្លារពី YouTube
- 2019-12-19 09:30:00
- ចំនួនមតិ 0 | ចំនួនចែករំលែក 0
ធ្វើរឿងតែសប្បាយៗសោះ ក្មេងអាយុ ៨ ឆ្នាំ រកលុយបានខ្ទង់លានដុល្លារពី YouTube
ចន្លោះមិនឃើញ
ក្មេងប្រុសអាយុ ៨ ឆ្នាំ ឈ្មោះថា Ryan Kaji អាចរកចំណូលបាន ២៦ លានដុល្លារ គិតចាប់ពីថ្ងៃទី ១ មិថុនា ២០១៨ ដល់ ១ មិថុនា ២០១៩ ធ្វើឲ្យរូបគេក្លាយជាអ្នកផលិតវីដេអូរកលុយបានច្រើនជាងគេបំផុតលើ YouTube។ នេះបើផ្អែកតាមបញ្ជីថ្មីចេញផ្សាយដោយទស្សនាវដ្ដី Forbes។
Kaji ដែលមានឈ្មោះពិតថា Ryan Guan ធ្លាប់គ្រងតំណែងរកចំណូលបានច្រើនជាងគេនេះម្ដងរួចមកហើយ កាលពីឆ្នាំ ២០១៨ ដែលរកបាន ២២ លានដុល្លារ។ បើផ្អែកតាមតួលេខរបស់ Forbes ដដែល។
Channel ឈ្មោះថា "Ryan's World” របស់ Ryan ចាប់ផ្ដើមបើកដំណើរការនៅឆ្នាំ ២០១៥ ដោយឪពុកម្ដាយរបស់គេ។ ត្បិតថាមានអាយុកាលត្រឹម ៤ ឆ្នាំ ប៉ុន្តែចំនួន ២២,៩ លាននាក់ ជាមួយចំនួនទស្សនាសរុប ៣៤ ពាន់លានដង។
ដើមឡើងគណនីគឺមានឈ្មោះថា "Ryan ToysReview” ដែលភាគច្រើនមានបង្ហោះវីដេអូ អំពីការហែកប្រអប់នៃឧបករណ៍ក្មេងលេង និងលេងជាមួយឧបករណ៍ទាំងនោះ។ វីដេអូខ្លះមានចំនួនទស្សនាដល់ជាង ១ ពាន់លានដងឯណោះ។
Channel នេះក៏បានបន្តប្រែប្រួលពេលដែល Ryan កាន់តែធំទៅៗផងដែរ ដែលពេលនេះចាប់ផ្ដើមមានបង្ហោះវីដេអូទាក់ទងបែបអប់រំ បន្ថែមពីលើវីដេអូឧបករណ៍ក្មេងលេង។
ក្នុងចំណាត់ថ្នាក់របស់ Forbes ឃើញថា Ryan Kaji បាននាំមុខគណនីឈ្មោះ "Dude Perfect” ដែលគ្រប់គ្រងដោយមិត្តមួយក្រុមមកពីតិចសាស់សហរដ្ឋអាមេរិក ហើយគណនីនេះគឺមានវីដេអូបង្ហាញការសាកល្បងរឿងដែលគិតថាមិនអាចទៅរួចមួយចំនួន ដូចជាបោះបាល់ចូលក្នុងកងរង្វង់ពីលើកំពូលអគារ ឬឧទ្ធម្ភាគចក្រជាដើម៕
ចុចអាន ៖ បង្ហាញមុខ YouTuber កើបលុយបានច្រើនជាងគេប្រចាំឆ្នាំ ២០១៩
