- 2019-12-04 02:00:34
- ព័ត៌មាន
ហែកមើលគ្រឿងក្នុងរបស់ Huawei Mate 30 មិនឃើញមានគ្រឿងបន្លាស់របស់អាមេរិកឡើយ
- 2019-12-04 02:00:34
- ចំនួនមតិ 0 | ចំនួនចែករំលែក 0
ហែកមើលគ្រឿងក្នុងរបស់ Huawei Mate 30 មិនឃើញមានគ្រឿងបន្លាស់របស់អាមេរិកឡើយ
ចន្លោះមិនឃើញ
នៅពេលដែលរដ្ឋាភិបាលលោកដូណាល់ ត្រាំ សម្រេចចិត្តដាក់ Huawei ចូលក្នុងបញ្ជីខ្មៅ គេនឹកឆ្ងល់ថាក្រុមហ៊ុននេះអាចនឹងផលិតស្មាតហ្វូនដោយមិនប្រើប្រាស់គ្រឿងបន្លាស់របស់ក្រុមហ៊ុនអាមេរិកបានឬយ៉ាងណា។ បើផ្អែកតាមការហែកមើលគ្រឿងក្នុងរបស់ស្មាតហ្វូន Huawei ស៊េរីចុងក្រោយ ដែលចុះផ្សាយដោយ The Wall Street Journal ចម្លើយនោះគឺប្រហែលជាអាច។
ការវិភាគដែលធ្វើឡើងដោយ UBS និង Fomalhaut Techno Solutions និយាយថា គ្រឿងក្នុងរបស់ Huawei Mate 30 មិនមានគ្រឿងបន្លាស់ផ្គត់ផ្គង់ដោយក្រុមហ៊ុនអាមេរិកនោះទេ។ Huawei ទំនងជាបានស្វែងរកអ្នកផ្គត់ផ្គង់ដទៃទៀត សម្រាប់គ្រឿងបន្លាស់សំខាន់ៗមួយចំនួន។ ឧទាហរណ៍ពេលនេះក្រុមហ៊ុនបានប្រើនូវអំភ្លីសំឡេង (Audio Amplifier) ពីក្រុមហ៊ុន NXP នៅនូវែលហ្សេឡង់ជំនួសឲ្យក្រុមហ៊ុន Cirrus Logic, ប្រើនូវឈីប Wi-Fi និង Bluetooth របស់ខ្លួនឯង (HiSilicon) ជំនួសឲ្យរបស់ Broadcom និងប្រើប្រាស់គ្រឿងបន្លាស់របស់ក្រុមហ៊ុនជប៉ុន Maruta និងរបស់ក្រុមហ៊ុនតៃវ៉ាន់ MediaTek ជំនួសឲ្យគ្រឿងបន្លាស់ដែលធ្លាប់ផ្គត់ផ្គង់ដោយក្រុមហ៊ុនអាមេរិក។
រូបភាពបង្ហាញអំពីគ្រឿងបន្លាស់សំខាន់ៗ មុននិងក្រោយ Huawei ចូលបញ្ជីខ្មៅ
យ៉ាងណាក្ដីការហែកមើលគ្រឿងក្នុងដាច់ដោយឡែកមួយទៀតលើ Mate 30 Pro 5G របស់ TechInsight បង្ហាញថាវាមានប្រើឈីបរបស់ Qualcomm និង Texas Instrument ជាក្រុមហ៊ុនអាមេរិក។ ហេតុផលអាចដោយសារតែ Huawei ចង់ប្រើប្រាស់ឈីបដែលបានទិញទុកមុនក្នុងស្តុកឲ្យអស់ ទោះបីជាមានជម្រើសផ្សេងក្ដី។
ទោះយ៉ាងណាការវិភាគរបស់ UBS បានបង្ហាញថា Huawei ពិតជាមានសមត្ថភាពក្នុងការផលិតស្មាតហ្វូនស៊េរីខ្ពស់ ដោយមិនប្រើប្រាស់គ្រឿងបន្លាស់របស់ក្រុមហ៊ុនអាមេរិក៕
ចុចអាន ៖ Apple ចង់ដើរតាមគន្លង Samsung ចេញស្មាតហ្វូនធុនខ្ពស់ ២ ដង/ឆ្នាំ