- 2019-10-11 03:38:47
- ផលិតផលថ្មី
Toyota បញ្ចេញរូបរាងឡានប្រើអ៊ីដ្រូហ្សែនជំនាន់ថ្មី
- 2019-10-11 03:38:47
- ចំនួនមតិ 0 | ចំនួនចែករំលែក 0
Toyota បញ្ចេញរូបរាងឡានប្រើអ៊ីដ្រូហ្សែនជំនាន់ថ្មី
ចន្លោះមិនឃើញ
ក្រុមហ៊ុន Toyota បានបង្ហាញចេញរូបរាង Concept នៃរថយន្ត Mirai ស៊េរីឆ្នាំ ២០២១ ដែលវាគឺជាជំនាន់ទីពីរនៃរថយន្តប្រភេទអ៊ីដ្រូហ្សែននេះ ហើយនឹងចេញលក់លើទីផ្សារមួយចំនួននៅចុងឆ្នាំ ២០២០។
រថយន្ត Mirai ជំនាន់ដំបូងបំផុត បានបង្ហាញនៅក្នុងឆ្នាំ ២០១៥ ដែលមានលក់រាយនៅទីផ្សារអាមេរិកខាងជើង ប៉ុន្តែមិនជាសូវពេញនិយមប៉ុន្មានឡើយ។ រូបរាងថ្មីគឺកាន់តែមានភាពទាក់ទាញ និងទាន់សម័យដែលរំពឹងថានឹងទទួលបានផលវិជ្ជមាន។
រថយន្ត Mirai ជំនាន់ថ្មីនេះអះអាងថាបង្កើនចម្ងាយបើកបរបានឆ្ងាយជាងមុន ៣០% លើការចាក់បញ្ចេញអ៊ីដ្រូហ្សែន ដែលអាចដល់ចម្ងាយប្រហែល ៦៣០ គីឡូម៉ែត្រ។ ខុសពីរថយន្តអគ្គិសនីធម្មតា រថយន្ត Mirai គឺអាចបង្កើតថាមពលអគ្គិសនីដោយខ្លួនឯង ដោយប្រើប្រាស់អ៊ីដ្រូហ្សែន និងអុកស៊ីហ្សែនហើយបញ្ចេញនូវចំហាយទឹកទៅបរិស្ថាន។
គុណសម្បត្តិដ៏ធំមួយរបស់រថយន្តនេះ បើធៀបនឹងរថយន្តប្រើប្រាស់អាគុយ គឺថាវាចំណាយពេលប្រមាណ ៥ នាទីប៉ុណ្ណោះដើម្បីចាក់បំពេញអ៊ីដ្រូហ្សែននៅស្ថានីយ។ ប៉ុន្តែបញ្ហានៅត្រង់ថាស្ថានីយចាក់អ៊ីដ្រូហ្សែននៅមិនទាន់សម្បូរបែបនៅឡើយ៕
ចុចអាន ៖ គ្រាន់ថ្លៃទឹកថ្នាំឡាន BMW 8 Series មួយនេះ ចង់ប្រហែលតម្លៃឡាន Prius
