- 2019-10-11 03:21:47
- ផលិតផលថ្មី
OnePlus 7T Pro ចេញមករូបរាងដដែល មានញាត់ឈីប Snapdragon 855+
- 2019-10-11 03:21:47
- ចំនួនមតិ 0 | ចំនួនចែករំលែក 0
OnePlus 7T Pro ចេញមករូបរាងដដែល មានញាត់ឈីប Snapdragon 855+
ចន្លោះមិនឃើញ
OnePlus 7T Pro បានបង្ហាញមុខជាផ្លូវការ ដោយមិនមានការផ្លាស់ខ្លាំងដូចជា OnePlus 7T នោះឡើយ។ វាមានមកជាមួយនូវ McLaren Edition ដែលមានឌីហ្សាញរូបរាងប្លែក និងមាន RAM ទំហំ ១២GB។
7T Pro គឺដំណើរការដោយបន្ទះឈីប Snapdragon 855+ ដែលមានដំណើរការក្រាហ្វិកលឿនជាងមុខ ១៥%។ ផ្នែកនេះវាកាន់តែល្អពេលប្រើគូជាមួយអេក្រង់ដែលមាន Refresh Rate ៩០ ហឺត។ ម៉ូដែលនេះមានជម្រើស RAM ទំហំ ៨GB តែមួយគត់ជាមួយអង្គផ្ទុក ២៥៦GB មានបច្ចេកវិទ្យា UFS 3.0។ ប្រសិនបើចង់បាន RAM ទំហំ ១២GB គឺមានតែ McLaren Edition ប៉ុណ្ណោះ។
ការផ្លាស់ប្ដូរមួយទៀតគឺការបន្ថែមមុខងារ Warp Charge 30T ដែលមានកម្លាំងសាកល្បឿនជាងបច្ចេកវិទ្យា 30W ប្រមាណ ២៣%។ កាមេរ៉ា Selfie មិនមានការផ្លាស់ប្ដូរ ហើយកាមេរ៉ាបីគ្រាប់ខាងក្រោយមានបន្ថែមមុខងារថ្មីមួយបានពី 7T នោះគឺ Macro Mode។
OnePlus 7T នឹងមានលក់នៅអឺរ៉ុបនៅថ្ងៃព្រហស្បតិ៍សប្ដាហ៍ក្រោយជាមួយតម្លៃ ៧៦០ អឺរ៉ូ (ប្រមាណ ៨៣៧ ដុល្លារ) ហើយ McLaren Edition ចេញលក់ថ្ងៃទី ៥ ខែវិច្ឆិកា ជាមួយតម្លៃ ៨៦០ អឺរ៉ូ (ប្រមាណ ៩៤៧ ដុល្លារ)៕