នៅអូស្ត្រាលីចាប់ផ្តើមបិទឲ្យលែងឃើញចំនួន Like ខណៈ ៦ ប្រទេសនេះអាចជាគោលដៅបន្ទាប់

2019-10-01 01:27:57
ព័ត៌មាន

2019-10-01 01:27:57
ចំនួនមតិ 0 | ចំនួនចែករំលែក 0

ចន្លោះមិនឃើញ

Facebook បានចាប់ផ្តើមដើរតាមគន្លងនៃបណ្តាញសង្គម Instagram ទាក់ទិននឹងការលាក់មិនឲ្យឃើញចំនួននៃតួលេខ Likes នៅលើការបង្ហោះ (Post) របស់អ្នកប្រើប្រាស់ ហើយដំណាក់កាលដំបូងគឺចាប់ធ្វើឡើងក្នុងប្រទេសអូស្រា្តលី។

រាប់តាំងពីថ្ងៃសុក្រសប្តាហ៍មុនអ្នកប្រើប្រាស់មួយចំនួនធំក្នុងប្រទេសអូស្ត្រាលី ត្រូវបានបិទលែងឲ្យឃើញពីតួលេខនៃការ Likes ឬ Reaction លើការបង្ហោះផ្សាយរបស់នរណាម្នាក់ទៀតហើយ។ ការផ្លាស់ប្តូរនេះដំបូងឡើយបានសាកល្បងនៅលើ Instagram ដែលអនុវត្តក្នុងបណ្តាប្រទេសមួយចំនួនតាំងពីខែកក្កដា។

រូបតំណាងការអនុវត្តគោលការណ៍ថ្មី

អ្នកនាំពាក្យរបស់ Facebook អ្នកស្រី Mia Garlick បានប្រាប់ថា៖ "ការលុបចោលចំនួន Like នេះ គឺនឹងប្រាកដថាមនុស្សចាប់ផ្ដោតសំខាន់ទៅលើគុណភាពនៃមាតិកា ជាជាងចំនួន Like នៅលើការបង្ហោះនោះ"។

តាមរយៈការពិគ្រោះរបស់អ្នកស្រី Garlickជាមួយអ្នកជំនាញ ក៏បានទទួលស្គាល់ពីផលប៉ះពាល់ទៅលើសម្ពាធផ្លូវចិត្តជុំវិញការបង្ហាញតួលេខ Like បែបនេះ ប៉ុន្តែជ្រុងមួយផ្សេងទៀតក៏អ្នកប្រើប្រាស់ទទូចថាអាចបង្កផលប៉ះពាល់ដល់អាជីវកម្មរបស់ពួកគេ ព្រោះការដែលបង្ហាញតួលេខ Like វាជាការវាស់ស្ទង់ពីកម្រិតដំណើរការអាជីវកម្ម។

បញ្ជាក់ថាសម្រាប់ប្រទេសបន្ទាប់ដែលអាចរងការអនុវត្តគោលការណ៍កែប្រែថ្មីនេះ អាចជាប្រទេសនូវែលហ្សេឡង់ ប្រេស៊ីល កាណាដា ជប៉ុន អ៊ីតាលី និងអៀរឡង់ ប្រសិនក្នុងករណីដែល Facebook សម្រេចអនុវត្តតាមគន្លងដែល Instagram ធ្លាប់ធ្វើកាលពីពេលកន្លងមក៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា