Apple ដាស់តឿនឲ្យប្រយ័ត្នចន្លោះប្រហោងមួយលើ iOS 13.1 ព្រោះមិនទាន់ដោះស្រាយចេញ

2019-09-25 06:47:00
ព័ត៌មាន

2019-09-25 06:47:00
ចំនួនមតិ 0 | ចំនួនចែករំលែក 0

ចន្លោះមិនឃើញ

iOS 13.1 បានដាក់ឲ្យអាប់ដែតជាផ្លូវការសម្រាប់ឧបករណ៍ iPhone, iPad និង iPod Touch នៅមុននេះបន្តិច។ ការចេញផ្សាយកំណែប្រព័ន្ធប្រតិបត្តិថ្មីនេះ ធ្វើឡើងក្រោយរយៈពេលមួយសប្តាហ៍នៃការចេញផ្សាយ iOS 13.0។

នៅក្នុង iOS ជំនាន់ក្រោយពិតណាស់មានការកែប្រែបន្ថែមនូវប្រព័ន្ធសុវត្ថិភាព និងបន្ថែមនូវមុខងារថ្មីមួយចំនួន ប៉ុន្តែទាក់ទិនចន្លោះប្រហោងដែលនៅសេសសល់ Apple ក៏មិនលាក់បាំងនោះដែរ ពោលគឺទម្លាយប្រាប់ជាសាធារណៈទៅកាន់អ្នកប្រើប្រាស់របស់ខ្លួន។

នោះគឺពាក់ព័ន្ធនឹងការដំឡើងកម្មវិធីក្តារចុច (Keyboard) ពីខាងក្រៅ ដែលពុំមែនជាក្តារចុច Original របស់ Apple គឺអាចទទួលបានសិទ្ធពេញលេញ "Full Access" ទៅកាន់គ្រប់មុខងារទាំងអស់នៃម៉ាស៊ីន iPhone/iPad របស់អ្នកដោយស្វ័យប្រវត្តិ ទោះបីអ្នកពុំបើកអនុញ្ញាតឲ្យវាធ្វើការ Access ទៅក៏ដោយ។

បញ្ហានេះ Apple បានសង្កត់ធ្ងន់ថាសន្យានឹងដោះស្រាយជូនអ្នកប្រើប្រាស់ក្នុងការអាប់ដែតខាងមុខ ប៉ុន្តែមិនលម្អិតពីពេលវេលាជាក់លាក់ឡើយ។

បើរំពឹងលើ iOS 13.1.1 នោះអ្នកអាចនឹងរង់ចាំប្រមាណ ៤-៨ សប្ដាហ៍បន្ទាប់ទៀត បែបនេះសម្រាប់ដំណោះស្រាយនៅបច្ចុប្បន្នភាពអ្នកប្រើប្រាស់គួរជៀសវាងធ្វើការដំឡើងនូវកម្មវិធី Keyboard ពីខាងក្រៅណាមួយដែលគ្មានប្រភពច្បាស់លាស់ឬមិនចាំបាច់ ជៀសវាងការប៉ះពាល់ដល់ម៉ាស៊ីនដោយប្រការណាមួយ៕

អានអត្ថបទ:

ប្រភព៖ Forbes ប្រែសម្រួល៖ កៅ រក្សា