ឆ្នាំមុន Mate20 Pro ចេញភ្លាម វ៉ា iPhone XS Max ឈរតំណែងលេខ ១ ខាងថតរូប

2019-09-20 04:48:35
ព័ត៌មាន

2019-09-20 04:48:35
ចំនួនមតិ 0 | ចំនួនចែករំលែក 0

ចន្លោះមិនឃើញ

DxOMark ដែលជាប្រភពល្បីឈ្មោះមួយលើការវាយតម្លៃគុណភាពរូបភាព និងការធ្វើចំណាត់ថ្នាក់លើកាមេរ៉ាទូរសព្ទ, ម៉ាស៊ីនថត បានបញ្ចេញរបាយការណ៍ថ្មីបន្ទាប់ពីឆ្លងកាត់ការតេស្តរួចមក ក៏ជ្រើសរើសយក Huawei Mate 20 Proជាជើងខ្លាំងខាងផ្នែកថតរូប និងលេខ ២ បានទៅលើ P20 Pro ដោយឡើងជំនួសតំណែង iPhone Xs Max ។

បន្ទាប់ពី DxOMark បានតេស្តរួចគេបានកំណត់ពិន្ទុ ដែលបានពីការវាយតម្លៃតាមផ្នែកនិមួយៗលើកាមេរ៉ា Mate20 Pro ទទួលបានពិន្ទុសរុបរហូតដល់ ១០៩ ស្មើគ្នាជាមួយនឹង P20 Pro ខណៈដែល iPhone XS Max ចុះមកនៅត្រឹមលេខ ៣ គឺ ១០៥ ពិន្ទុ។ DxOMark បានសរសើរ Mate20 Pro ថាជាស្មាតហ្វូនដែលមានបំពាក់កាមេរ៉ាសមត្ថភាពខ្លាំងលើសគេ។

ដោយ DxOMark ធ្វើការបំបែកពិន្ទុដោយកំណត់លើកម្រិតផ្សេងៗគឺ រួបថតសន្លឹក Mate 20Proបាន ១១៤ ពិន្ទុ ឯ៩៧ ពិន្ទុលើវីដេអូ។ តាមពីក្រោយដោយ P20 Pro លើមុខងារ Bokeh បាន ៦០ ពិន្ទុ ឯពិន្ទុលើវីដេអូបាន ៩៨ ពិន្ទុ។

កាលពីចុងឆ្នាំ ២០១៨ យោងតាមការវាយតម្លៃចុងក្រោយបង្អស់ចេញពី DxOMark បានកំណត់ថា iPhone XR ជាស្មាតហ្វូនដែលប្រើប្រាស់កាមេរ៉ាមួយគ្រាប់ឈរចំណាត់ថ្នាក់ទី ១ មាន ១០៣ ពិន្ទុសម្រាប់ការថតរូបសន្លឹកនិង ៩៦ ពិន្ទុសម្រាប់ការថតវីដេអូ សរុបបាន ១០១ ពិន្ទុ ។

iPhone XR សេរ៊ីឆ្នាំ ២០១៨ ខ្លាំងត្រង់ថា មានកាមេរ៉ាតែមួយគ្រាប់ តែការថត Portrait Mode មិនចាញ់ប្រភេទម៉ូឌែលកាមេរ៉ាភ្លោះ ជាមួយការផលិតរូបភាពបានច្បាស់ល្អ ដោយមានកម្រិត Dynamic Range ធ្វើបានប្រសើរ អមតុល្យភាពសាច់រូបក៏ខ្លាំង បន្សំប្រព័ន្ធ Autofocus ច្បាស់មួយនឹងមួយ។

ដោយឡែក iPhone XS Max កាមេរ៉ា ២ គ្រាប់នេះវិញនៅតែធ្វើបានល្អ ក៏ប៉ុន្តែចំណុចខ្សោយគឺទាក់ទងនឹងកម្រិតព្រាល លាយឡំនឹងគ្រាប់ Noise ពេលថតនៅទីតាំង Indoor ឬទីតាំងខ្សោយពន្លឺ។ សម្រាប់ការថតវីដេអូ អាចទប់លំនឹង និងផ្តោតចំគោលដៅបានរហ័ស ល្អអាចទទួលយកបាន៕

មើលពីរូបភាពខ្លះៗដែល DxOMark ធ្វើការវាយតម្លៃ ៖