មាន App នេះក្នុងដៃ អ្នកម៉ាក់សម័យថ្មី លែងពិបាកចេញក្រៅ ទិញសម្ភារៈឲ្យកូនៗ

2019-09-20 04:37:21
ផលិតផលថ្មី

2019-09-20 04:37:21
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីព្រឹកថ្ងៃទី ១៩ ខែកញ្ញា ឆ្នាំ២០១៩ ហាងលក់សម្ភារៈទារក និងកុមារ Baby Care បានធ្វើការសម្ពោធនូវសាខាថ្មីរបស់ខ្លួនទី ៧ ដែលមានទីតាំងនៅក្រុងតាខ្មៅ ខេត្តកណ្ដាល។

ក្នុងឱកាសសម្ពោធហាងថ្មីនេះដែរ Baby Care ក៏បានដាក់ដំណើរការឲ្យប្រើប្រាស់ជាផ្លូវការនូវកម្មវិធីទូរសព្ទដៃ ឈ្មោះថា BabyCareKh ដែលជាកម្មវិធីទូរសព្ទដៃ ជួយសម្រួលដល់អ្នកម្ដាយគ្រប់រូបដែលមានកូនតូចៗក្នុងការទិញឥវ៉ាន់។ ដោយមិនចាំបាច់ទៅដល់ហាងផ្ទាល់ ពួកគេគ្រាន់តែបញ្ជាទិញទំនិញតាមទូរសព្ទដៃតែប៉ុណ្ណោះ។

លោកអ្នកក៏អាចជ្រើសរើសម៉ាកផលិតផលមួយណាក៏បាន ដោយគ្រាន់តែចុចទៅលើម៉ាកនោះ ហើយទំនិញនឹងលោតនៅលើអេក្រង់ ដើម្បីឲ្យលោកអ្នកជ្រើសរើសនូវទំនិញដែលលោកអ្នកចង់បាន។

ដោយឡែក ការទូរទាត់លុយនឹងប្រព្រឹត្តនៅពេលដែលក្រុមការងារដឹកទំនិញទៅដល់ដៃអតិថិជន។ ពិសេសជាងនេះទៅទៀតនោះ អតិថិនក៏អាចតាមដានមើលពីដំណើរការនៃការបញ្ជាទិញរបស់គាត់បានផងដែរ។

លើសពីនេះទៅទៀតនោះ រាល់អតិថិជនដែលបានធ្វើការបញ្ជាទិញតាមរយៈកម្មវិធីទូរសព្ទដៃ ហើយចំណាយចាប់ពី ១០ ដុល្លារឡើងទៅ លោកអ្នកនឹងទទួលបានការដឹកជញ្ជូនដោយឥតគិតថ្លៃក្នុងទីក្រុងភ្នំពេញនិងតាខ្មៅ រហូតដល់បំណាច់ឆ្នាំ។ មិនត្រឹមតែប៉ុណ្ណោះ អ្នកក៏ទទួលបាននូវកាដូជាតុក្កតា Mickey Mouse ដ៏គួរឲ្យស្រឡាញ់មួយផងដែរ។

ដើម្បីទាញយកនូវកម្មវិធីនេះ លោកអ្នកគ្រាន់តែចូលទៅកាន់ App Store ឬ Play Store ហើយវាយពាក្យ BabyCareKh ហើយទាញយកកម្មវិធី ឬ លោកអ្នកអាច Scan QR Code នៅលើផ្ទាំងដែលបានដាក់គ្រប់សាខាទាំងអស់របស់ បេប៊ីឃែ ជាការស្រេច៕

អត្ថបទ៖ ឈឹម វិមានរ័ត្ននា