- 2019-09-16 02:20:53
- ព័ត៌មាន
លេចធ្លាយរូបភាពរបស់ vivo V Series ចុងក្រោយ អាចមានកាមេរ៉ាដល់ទៅ ៦គ្រាប់!
- 2019-09-16 02:20:53
- ចំនួនមតិ 0 | ចំនួនចែករំលែក 0
លេចធ្លាយរូបភាពរបស់ vivo V Series ចុងក្រោយ អាចមានកាមេរ៉ាដល់ទៅ ៦គ្រាប់!
ចន្លោះមិនឃើញ
យោងតាមរបាយការណ៍ដែលបានបែកធ្លាយកាលពីពេលថ្មីៗនេះ បានឲ្យដឹងថា ក្រុមហ៊ុន vivo បានត្រៀមខ្លួនរួចរាល់ហើយក្នុងការប្រកាសចេញនូវវត្តមានស្មាតហ្វូន vivo V Series របស់ខ្លួន។ ព័ត៌មានថ្មីបានទម្លាយថា ស្មាតហ្វូននេះ នឹងមានកាមេរ៉ាដល់ទៅ ៦ គ្រាប់ឯណោះ ហើយនឹងមាន ២ ពណ៌សម្រាប់ជ្រើសរើសថែមទៀត។ នេះបើយោងតាមទម្លាយនូវរូបភាពបែកធ្លាយប៉ុន្មានសន្លឹករបស់ក្រុមហ៊ុននេះ។
ប្រភពព័ត៌មានខាងលើនេះបាននិយាយថា ស្មាតហ្វូន vivo V Series នេះ នឹងមានផ្នែកខាងក្រោយពណ៌ Crystal White ដែលមានការបង្ហាញនូវពណ៌ស្រាលនៅផ្នែកខាងលើ និងពណ៌មួយទៀត គឺមានពណ៌ Knight Black។ តាមការបញ្ជាក់ពីរូបភាពខាងក្រោមនេះ គឺបង្ហាញយ៉ាងច្បាស់ថា ស្មាតហ្វូន vivo V Series ថ្មីនេះ គឺនឹងមានកាមេរ៉ាខាងក្រោយ ៤ គ្រាប់បញ្ឈរ និងភ្លើង LED Flash ចំនួនមួយគ្រាប់សម្រាប់ជំនួយពន្លឺនៅក្នុងការថតរូបឲ្យបានកាន់តែស្អាត។
ជាមួយនឹងការទម្លាយចេញនូវរូបភាពមួយចំនួននេះ គេសង្កតឃើញការឌីហ្សាញផ្នែកខាងមុខរបស់ស្មាតហ្វូនវា គឺមានផ្ទៃអេក្រង់លាតគ្មានតំណក់ទឹក ប៉ុន្តែនៅមិនទាន់ដឹងថា នឹងមានទំហំប៉ុណ្ណានោះទេ។ ប្រភពដដែលបានបញ្ជាក់ថា ស្មាតហ្វូននេះ គឺមានភ្ជាប់ជាមួយនឹងអេក្រង់ AMOLED Display ជាមួយនឹងកាមេរ៉ាផុសឡើងធំជាងមុន ដែលមានបំពាក់នូវកាមេរ៉ាសែលហ្វីចំនួន ២ គ្រាប់ ថែមទៀតផង។
V-Series ត្រូវបានក្រុមហ៊ុន vivo ចាត់ទុកថា ជាស្មាតហ្វូនថ្នាក់កណ្តាលរបស់ខ្លួនប៉ុណ្ណោះ ប៉ុន្តែស្មាតហ្វូននេះ គឺមានសមត្ថភាពខ្ពស់បំផុត មិនចាញ់ស្មាតហ្វូនថ្នាក់ខ្ពស់របស់ក្រុមហ៊ុនដៃគូមួយចំនួននោះទេ ហើយកន្លងមក គឺមានការពេញនិយមយ៉ាងខ្លាំងនៅលើទីផ្សារប្រទេសកម្ពុជាផងដែរ។ ជាក់ស្តែងដូចជា V-15 Series អញ្ចឹង ដែលមានតម្លៃសមរម្យ និងត្រូវបានគេស្គាល់ថា ជាស្មាតហ្វូនដែលមានកាមេរ៉ាសែលហ្វីផុសឡើងលើមុនគេបង្អស់ផងដែរ។ សូមតាមដានទាំងអស់គ្នា! ព័ត៌មានលំអិត អតិថិជនទាំងអស់ អាចចូលក្នុងផេកផ្លូវការរបស់ vivo៕