- 2019-09-10 07:31:59
- ព័ត៌មាន
មកដឹងខ្លះៗអំពី iPhone កាមេរ៉ាម៉ូដជ្រុង មុនប្រកាសយប់នេះ
- 2019-09-10 07:31:59
- ចំនួនមតិ 0 | ចំនួនចែករំលែក 0
មកដឹងខ្លះៗអំពី iPhone កាមេរ៉ាម៉ូដជ្រុង មុនប្រកាសយប់នេះ
ចន្លោះមិនឃើញ
ព្រឹត្តិការណ៍ប្រចាំឆ្នាំរបស់ Apple នឹងប្រព្រឹត្តិទៅនៅយប់នេះហើយ បច្ចេកវិទ្យាដូចជា iOS 13, និង Apple Watch ក៏អាចបង្ហាញខ្លួនផងដែរ ប៉ុន្តែអ្វីដែលមនុស្សគ្រប់គ្នារង់ចាំមើលនោះគឺ iPhone ជំនាន់ថ្មី។ ខាងក្រោមជាការប្រមូលផ្ដុំនូវអ្វី ដែលយើងអាចនឹងឃើញនៅក្នុងការប្រកាសរបស់ iPhone យប់នេះ៖
ឆ្នាំនេះ Apple កែឈ្មោះ iPhone ទាំងបីទៅជា ៖
iPhone 11 ស្នងតំណែង iPhone XR (៦,១ អ៊ីញ LCD)
iPhone 11 Pro ស្នងតំណែង iPhone XS (៥,៨ អ៊ីញ OLED)
iPhone 11 Pro Max ស្នងតំណែង iPhone XS Max (៦,៥ អ៊ីញ OLED)
iPhone ទាំងបីមានកាមេរ៉ាជ្រុង។ iPhone 11 នឹងមានកាមេរ៉ា ២ គ្រាប់មានមួយជា Telephoto (optical zoom 3x) ចំណែក iPhone 11 Pro និង 11 Pro Max នឹងមានកាមេរ៉ា ៣ គ្រាប់មាន Lens ទី ៣ ជា Ultra-wide angle សម្រាប់ថតទូលាយ។ iPhone ទាំងបីអាចនឹងមានមុខងារ Low-light Photo សម្រាប់ថតរូបឲ្យភ្លឺច្បាស់នៅពេលយប់។
Apple នឹងមានការកែលម្អខ្លាំងទៅលើការថតនិងកាត់ថតវីដេអូ បើយោងតាម iOS 13 ។ អ្នកអាចកែសម្រួលពណ៌ កាត់បន្ថែម រង្វិល វីដេអូតាមចិត្តរបស់អ្នក។
នៅក្នុងក្បាលឆកខាងមុខ មានរូបរាងដដែល ហើយកាមេរ៉ាមុខឡើងដល់ ១២ មេហ្កាភិកសែល ធំជាង ៧ មេហ្កាភិកសែលមាននៅលើ iPhone XS ។ ហើយអាចស្កេនមុខពីគ្រប់ជ្រុងមិនបាច់យកមកដាក់នឹងមុខនៅឡើយ។
iPhone 11 Pro និង 11 Pro Max នឹងមានឆ្នាំងសាកកម្លាំង ១៨ វ៉ាត់ ដែលឆ្នាំងសាកគឺមានរន្ធតភ្ជាប់ប្រភេទ USB-C មិនមែន USB-A ដូចមុនឡើយ។ ចំណែក iPhone 11 ដែលជំនួសតំណែង iPhone XR នៅតែបន្តប្រើឆ្នាំងសាក ៥ វ៉ាត់ ប្រើ USB-A ដដែល។
ឡូហ្គោ Apple នឹងស្ថិតនៅកណ្ដាល ដើម្បីជួយឲ្យអ្នកប្រើប្រាស់ដឹងថាគួរដាក់ Apple Watch ឬ AirPods នៅចំកន្លែងណា ដើម្បីសាកបញ្ចូលថ្មពី iPhone ស៊េរីថ្មី ដែល iPhone ស៊េរីថ្មីរំពឹងថានឹងមានមុខងារសាកថ្មឲ្យអ្នកដទៃ ស្រដៀងនឹង Wireless PowerShare របស់ Samsung និង Reverse Charge លើស្មាតហ្វូន Huawei។ យ៉ាងណាក្ដីដំណឹងចុងក្រោយពីលោក Ming-Chi Kuo បានឲ្យដឹងថា Apple បានសម្រេចដកមុខងារសាកថ្មនេះចេញពី iPhone 11 ដោយហេតុផលថាវាមិនមានកម្លាំងសាកដូចការចង់បានរបស់ Apple ហើយលោកមិនបានបញ្ជាក់នូវទីតាំងឡូហ្គោ ថាមានការប្រែប្រួលដោយសារការដកមុខងារនេះឬយ៉ាងណានោះទេ។
អ្វីដែលគួរឲ្យកត់សម្គាល់នោះគឺ Apple នឹងដក 3D Touch ដែលប្រកាសតាំងពី iPhone 6S ចេញ ហើយជំនួសដោយម៉ូទ័ររំញ័រថ្មី។ ចំពោះតម្លៃមិនទាន់ប្រាកដនៅឡើយ ប៉ុន្តែវានឹងមិនចុះថោកជាង iPhone ជំនាន់មុនឡើយ។ បើកឲ្យកុម្ម៉ង់ទិញអំឡុងថ្ងៃសុក្រ ត្រូវនឹងថ្ងៃទី ១៣ កញ្ញា ហើយការបើកលក់ផ្លូវការនឹងធ្វើនៅថ្ងៃសុក្រសប្ដាហ៍បន្ទាប់ ឬចំថ្ងៃទី ២០ កញ្ញា ៕
អានបន្ត៖