- 2019-09-05 09:36:52
- ព័ត៌មាន
កម្ពុជារំពឹងថានឹងមាន 5G ប្រើត្រឹមដំណាច់ឆ្នាំ
- 2019-09-05 09:36:52
- ចំនួនមតិ 0 | ចំនួនចែករំលែក 0
កម្ពុជារំពឹងថានឹងមាន 5G ប្រើត្រឹមដំណាច់ឆ្នាំ
ចន្លោះមិនឃើញ
Nikkei Asian Review បានចេញផ្សាយអត្ថបទថ្មីមួយនិយាយអំពីការប្រកួតប្រជែងរបស់ក្រុមហ៊ុនផ្ដល់សេវាទូរសព្ទធំៗក្នុងកម្ពុជា ក្នុងការដាក់ឲ្យប្រើប្រាស់ប្រព័ន្ធទំនាក់ទំនង 5G ដែលមានការបណ្ដាក់ទុនរាប់រយលានដុល្លារ។
ក្រុមហ៊ុន Smart និង Cellcard បានបង្ហាញក្ដីសង្ឃឹមថានឹងអាចធ្វើការនាំមុខគេក្នុងតំបន់ ដោយដាក់ឲ្យប្រើប្រាស់ 5G មុនដំណាច់ឆ្នាំ ២០១៩។ លោក Thomas Hundt នាយកប្រតិបត្តិ Smart បានលើកឡើងថាឧបករណ៍សម្រាប់គម្រោង 5G របស់ Smart ក្នុងរាជធានីភ្នំពេញកំពុងរៀបចំ ហើយការសាកល្បងជិតរួចរាល់ហើយ។ ក្នុងបទសម្ភាសន៍កាលពីថ្មីៗជាមួយ Nikkei លោកបាននិយាយថា Smart នឹងប្រើប្រាស់បច្ចេកវិទ្យាជំនាន់ចុងក្រោយរបស់ Huawei។
ក្រុមហ៊ុន Smart មានគោលបំណងថានឹងចាប់ផ្ដើមដាក់ឲ្យប្រើ 5G ភ្លាមៗ ពេលទទួលបានការអនុញ្ញាតពីរដ្ឋាភិបាល ហើយក្រុមហ៊ុនអាចនឹងបណ្ដាក់ទុន ១០០ លានដុល្លារក្នុងបច្ចេកវិទ្យា 5G ក្នុងរយៈពេល ៣ ទៅ ៥ ឆ្នាំបន្ទាប់។
លោក Ian Watsonនាយកប្រតិបត្តិ Cellcard និយាយថា ដំណាក់កាលដំបូងរបស់ក្រុមហ៊ុនគឺការដាក់ស្ថានីយ 5G ចំនួន ៥០០ កន្លែងនៅភ្នំពេញ សៀមរាប និងក្រុងព្រះសីហនុ។ ជាមួយការដាក់ស្ថានីយទាំងនេះ ដែលត្រៀមរួចរាល់ហើយនោះ លោកថាសេវាអាចនឹងចាប់ផ្ដើមប្រើនៅខែធ្នូ។
លោកនាយកប្រតិបត្តិខាងលើបន្តថាបានជ្រើសរើសក្រុមហ៊ុន ZTE ជាដៃគូសម្រាប់ការបញ្ចេញលើកដំបូង ហើយនៅអំឡុងឆ្នាំក្រោយ ស្ថានីយនឹងកើនឡើងដល់ ២ ០០០ កន្លែងនៅទូទាំងប្រទេស។ ថ្ងៃអនាគត Cellcard អាចនឹងប្រើប្រាស់បច្ចេកវិទ្យា Nokia សម្រាប់ពង្រីកការគ្របដណ្ដប់ 5G នៅតំបន់ចម្ការស្រែ។
ក្រុមហ៊ុនផ្ដល់សេវាទូរសព្ទធំមួយទៀតរបស់កម្ពុជា Metfone ត្រូវបានគេរាយការណ៍ថាបានសហការជាមួយទូរគមនាគមន៍កម្ពុជា ដើម្បីសាកល្បងសេវា 5G ជាមួយឧបករណ៍របស់ Huawei។
សេវា 5G មានប្រើប្រាស់រួចមកហើយនៅផ្នែកមួយចំនួននៃសហរដ្ឋអាមេរិក, កូរ៉េខាងត្បូង និងទីផ្សារអឺរ៉ុបមួយចំនួន ហើយចិននឹងចាប់ផ្ដើមបញ្ចេញសេវានេះនៅទីក្រុងធំៗ ដែលនឹងកើតមានឡើងយ៉ាងលឿនក្នុងឆ្នាំនេះ។ ដោយឡែកនៅក្នុងប្រទេសនាំមុខមួយចំនួននៅអាស៊ីអាគ្នេយ៍ គេរំពឹងថានឹងចាប់ផ្ដើមប្រើសេវា 5G យ៉ាងលឿនបំផុតនៅឆ្នាំ ២០២០។ ដូចនេះបើសិនកម្ពុជាមានសេវា 5G ប្រើនៅដំណាច់ឆ្នាំ ២០១៩ អាចធ្វើឲ្យកម្ពុជា ជាប្រទេសដំបូងគេនៅអាស៊ីអាគ្នេយ៍។
និយាយពីល្បឿនរបស់អ៊ីនធឺណិត 5G នេះគឺមានភាពខុសគ្នាបន្តិចបន្តួចសម្រាប់ការប្រើប្រាស់នីមួយៗ ប៉ុន្តែរំពឹងថានឹងអាចមានល្បឿនចន្លោះពី 10 Mbps ដល់ 10 Gbps។ ល្បឿនប៉ុណ្ណេះនឹងធ្វើឲ្យការប្រើប្រាស់អ៊ីនធឺណិតលើទូរសព្ទដូចជាទស្សនាវីដេអូកម្រិត 4K, 8K ឬ វីដេអូ ៣៦០ ដឺក្រេ ប្រព្រឹត្តទៅយ៉ាងរលូន៕
ចុចអាន ៖ អុីនធឺណេត 5G របស់ Smart ដោនឡូតហ្គេម 1GB ប្រើពេលមិនដល់ ១នាទី
