មិត្ដហ្វូនបើកស្ដង់ពិព័រណ៍ 5Gដំបូងគេចាប់ពីខែកញ្ញា ២០១៩នេះហើយ

2019-09-03 10:08:23
ព័ត៌មាន

2019-09-03 10:08:23
ចំនួនមតិ 0 | ចំនួនចែករំលែក 0

ចន្លោះមិនឃើញ

5G គឺជាបច្ចេកវិទ្យាទូរស័ព្ទជំនាន់ទី ៥ ដោយត្រូវបានឌីហ្សាញឡើង ដើម្បីបង្កើនអានុភាពល្បឿន កាត់បន្ថយពេលរង់ចាំក្នុងដំណើរការប្រតិបត្តិ និងភាពប៉ិនប្រសប់លើសេវាកម្មអ៊ីនធឺណិតឥតខ្សែ ដែលមានល្បឿនរហូតដល់ ១.៦ ជីហ្គាបៃ លឿនជាងបច្ចេកវិទ្យា 4G ចំនួន ២០ ដង។

បើធៀបជាមួយ 4G វិញ បច្ចេកវិទ្យា 5G អាចផ្ដល់សេវាកម្មជូនអ្នកប្រើប្រាស់លើស ១០០ ដង ដោយមានល្បឿនដោនឡូតកើនដល់ ១៨០០ ដង និងអាចកាត់បន្ថយឱនភាពសេវាកម្មរហូតដល់ ១០ ដងឯណោះ។

មិនត្រឹមតែប៉ុណ្ណោះ បច្ចេកវិទ្យាជំនាន់ទី ៥ នេះ ក៏អាចជួយធ្វើឲ្យស្ថានភាពរស់នៅប្រចាំថ្ងៃប្រសើរឡើង ដោយ ផ្ដល់សេវាកម្មសុខុមាលភាពកាន់តែពេញលេញ បង្កើនសុវត្ថិភាព និងកាត់បន្ថយការកកស្ទះចរាចរណ៍ បង្កើនការរស់នៅប្រកបដោយភាពងាយស្រួល និងស្ថេរភាព ព្រមទាំងផ្ដល់នូវបទពិសោធការកម្សាន្តកាន់តែអស្ចារ្យ ដែលផ្សារភ្ជាប់ជាមួយបច្ចេកវិទ្យា AR និង VR។

ដោយអាស្រ័យលើគុណសម្បត្តិរបស់បច្ចេកវិទ្យាមួយនេះ ក្រុមហ៊ុន Metfone បានបញ្ចប់កិច្ចការទាំងស្រុងដើម្បីដាក់ដំណើរការបច្ចេកវិទ្យា 5G និងរៀបចំបើកសម្ពោធជាផ្លូវការក្នុងឆ្នាំ២០១៩នេះ។

ចំណែកនៅថ្ងៃទី ៥ ខែកញ្ញា ខាងមុខនេះវិញ ក្រុមហ៊ុន Metfone នឹងបើកស្តង់ពិព័រណ៍ 5G ជាលើកដំបូងរបស់ខ្លួន ដែលមានតែមួយគត់ក្នុងរាជធានីភ្នំពេញ សម្រាប់អតិថិជនធ្វើការតេស្តសាកល្បងប្រព័ន្ធបច្ចេកវិទ្យា 5G នៅបន្ទប់ Showroom ក្នុងការិយាល័យរបស់ Metfone ដែលស្ថិតនៅលើមហាវិថីម៉ៅសេទុង (២៤៥) រាជធានីភ្នំពេញ។