- 2019-08-27 01:23:59
- ព័ត៌មាន
ធ្លាប់តែសាកល្បឿន ចុះភាពធន់ Note 10+ យកឈ្នះ iPhone XS Max បានអត់?
- 2019-08-27 01:23:59
- ចំនួនមតិ 0 | ចំនួនចែករំលែក 0
ធ្លាប់តែសាកល្បឿន ចុះភាពធន់ Note 10+ យកឈ្នះ iPhone XS Max បានអត់?
ចន្លោះមិនឃើញ
សម្រាប់ការតេស្តល្បឿនលទ្ធផលបញ្ចប់បានបង្ហាញយ៉ាងជាក់ច្បាស់ថា Galaxy Note 10+ អាចយកឈ្នះលើត្រកូល iPhone XS Max របស់ Apple។ ដោយឡែកថ្មីៗនេះក្រុមការងារ PhoneBuff ក៏បង្វែរការធ្វើតេស្តលើភាពធុនវិញម្តងរវាងម៉ាស៊ីនទាំងពីរ។
Note 10+ បន្តប្រើប្រាស់កញ្ចក់ Gorilla Glass 6 ស្រោបផ្នែកមុខក្រោយដូចមានលើសេរ៊ី Galaxy S10។ តើនៅចុងបញ្ចប់ស្មាតហ្វូនប៊ិចសេរ៊ីឆ្នាំ ២០១៩ អាចធុនជាង XS Max ឬយ៉ាងណា?
តាមរយៈការតេស្តដោយប្រើប្រាស់ម៉ាស៊ីនទម្លាក់នៅដំណាក់កាលទីមួយ ឃើញថា Note 10+ រងការខូចខាតយ៉ាងដំណំទាំងផ្នែកលើនិងក្រោមតួម៉ាស៊ីន ស្របពេល XS Max ប្រេះត្រឹមផ្នែកកាមេរ៉ាក្រោយនិងសំបកមួយផ្នែកប៉ុណ្ណោះ។ ជុំទី ១ អាចថា iPhone XS Max ជាអ្នកឈ្នះ។
ចូលដល់ការសាកល្បងជុំទី ២ ដែលទម្លាក់ពីផ្នែកចំហៀង ក៏ Note 10+ បន្តខូចខាតជាង iPhone XS Max ដែរ។
ប៉ុន្តែនៅជុំទី ៣ សម្រាប់ការទម្លាក់ផ្ទប់ផ្នែកខាងមុខ បែរជា iPhone XS Max ខូចខាតច្រើនជាងទៅវិញ ប៉ុន្តែម៉ាស៊ីនទាំងពីរនៅដំណើរការបានធម្មតា គ្រាន់ថាវគ្គនេះ Samsung ជាអ្នកឈ្នះ។
ទៅមើលជុំចុងក្រោយជាការទម្លាក់រហូតដល់ ១០ លើកផ្ទួនៗគ្នា សម្រាប់ XS Max ស៊ូបានត្រឹមតឹកទីបី ហើយដំណើរការ Touch លើអេក្រង់ក៏ចាប់ផ្តើមគាំង ខុសពី Note 10+ អាចស៊ូបានដល់ជុំចុងក្រោយដោយគ្មានបញ្ហា។
ជាលទ្ធផលនៃការវាយតម្លៃពិន្ទុទាំង ៤ វគ្គពី PhoneBuff គឺ Samsung Galaxy Note10+ មានភាពធុនជាងទទួលបានពិន្ទុ ៣៧ ឈ្នះ iPhone XS Max បាន ៣៤ ពិន្ទុ៕
អានអត្ថបទ: