- 2019-08-26 04:16:29
- ព័ត៌មាន
គូប្រជែង Rolls-Royce បើកហាងលក់ទីមួយរបស់ខ្លួន នៅរុស្ស៊ី
- 2019-08-26 04:16:29
- ចំនួនមតិ 0 | ចំនួនចែករំលែក 0
គូប្រជែង Rolls-Royce បើកហាងលក់ទីមួយរបស់ខ្លួន នៅរុស្ស៊ី
ចន្លោះមិនឃើញ
Aurus ដែលជាក្រុមហ៊ុនផលិតរថយន្តប្រណីតថ្មីមួយរបស់រុស្ស៊ី បានបើកដំណើរការហាងលក់ និងតាំងរថយន្តទីមួយរបស់ខ្លួន នៅទីក្រុងមូស្គូ ជាការឲ្យសញ្ញាអំពីការលក់រថយន្តម៉ូដែល Senat ជាផ្លូវការ ដែលរថយន្តនេះក៏ត្រូវប្រើប្រាស់ដោយប្រធានាធិបតីរុស្ស៊ីលោក ពូទីន ផងដែរ។
រថយន្តប្រណីតដែលផលិតឡើងដោយរុស្ស៊ីនេះ បានក្លាយជាអ្នកស្នងតំណែងរថយន្ត Sedan ZIL ដែលធ្លាប់ប្រើជាមធ្យោបាយដឹកជញ្ជូនមេដឹកនាំសូវៀតកាលពីមុនមក។ យ៉ាងណាក្ដី លើកនេះគឺខុសពីមុន ដោយក្រុមហ៊ុនផលិតរថយន្តថ្មីនេះគ្រោងនឹងពង្រីកទីផ្សារទៅកាន់ប្រទេសដូចជា ចិន, អឺរ៉ុប, អាហ្វ្រិកខាងជើង និងមជ្ឈិមបូព៌ា។
រថយន្តប្រណីតរបស់ Aurus មានតម្លៃចាប់ផ្ដើមពីប្រមាណ ២៧៤ ០០០ ដុល្លារ សម្រាប់ម៉ូដែល Senat ដែលក្រុមហ៊ុនបានចាប់ផ្ដើមទទួលការកុម្ម៉ង់ទិញតាំងពីខែកុម្ភៈ។ រថយន្តនេះប្រើប្រាស់ម៉ាស៊ីន ៨ ស៊ីឡាំង ផលិតកម្លាំងបាន ៥៩០ សេះ ប្រើប្រព័ន្ធបើកបរវិលកង់ ៤។ វាក៏មានប្រភេទពាសដែកផងដែរ ដែលមានតួខ្លួនវែង ប៉ុន្តែបំពាក់ម៉ាស៊ីនដូចគ្នា។
Aurus គ្រោងនឹងបញ្ចេញម៉ូដែលច្រើនទៀត ដូចជាប្រភេទកៅអី ២ ជួរបើកដំបូល, ប្រភេទ Minivan និងប្រភេទ SUV Komendant ជាដើម៕
ចុចអាន ៖ Lexus RX400h ស៊េរីឆ្នាំ ២០០៦ Full Option តម្លៃមិនចាញ់ឡានខ្លាញ់គោ
