- 2019-08-08 02:38:34
- ព័ត៌មាន
Samsung ប្រកាសផ្សាយកុំព្យូទ័ររាងស្តើង Galaxy Book S
- 2019-08-08 02:38:34
- ចំនួនមតិ 0 | ចំនួនចែករំលែក 0
Samsung ប្រកាសផ្សាយកុំព្យូទ័ររាងស្តើង Galaxy Book S
ចន្លោះមិនឃើញ
ជាមួយនឹងការប្រកាសនូវស្មាតហ្វូនប៊ិច Galaxy Note 10 ក្រុមហ៊ុន Samsung ក៏ឆ្លៀតចេញផ្សាយនូវកុំព្យូទ័រ Galaxy Book S ដែលវាជាប្រភេទ Notebook មានទម្ងន់ស្រាលនិងកម្រាស់តួខ្លួនស្តើង។
ដំណើរការដោយប្រព័ន្ធ Windows 10 OS ប្រើប្រាស់អង្គគណនា Snapdragon 855 ធុននេះបំពាក់អេក្រង់ Full HD ទំហំ ១៣,៣ អ៊ីញ Touchscreen ជាមួយ RAM ទំហំ 8GB LPDDR4X និងអង្គផ្ទុក 512GB ជាមួយការគាំទ្របន្ថែម microSD ដល់ទៅ 1TB។
ថាមពលថ្មកម្លាំង ៤២ វ៉ាត់ម៉ោងធានាបាននូវការទស្សនាវីដេអូដល់រយៈពេល ២៣ ម៉ោងពេញ ឬអាចប្រើប្រាស់ជាទូទៅបានមួយថ្ងៃពេញរាល់ការសាកម្តង។ Notebook សេរ៊ីឆ្នាំ ២០១៩ នេះ ក៏គាំទ្រនូវមុខងារសាកថ្មរហ័ស Quick Charge 2.0 និង Power Delivery 2.0 ផងដែរ។
ចំពោះប្រព័ន្ធសុវត្ថិភាព Samsung ផ្តល់ជូនអ្នកប្រើប្រាស់នូវទ្រនាប់ស្កេនខ្ចៅដៃ គាំទ្រ Windows' Hello រីឯឧបករណ៍សំឡេងអភិវឌ្ឍដោយក្រុមហ៊ុន AKG ជាប្រព័ន្ធសំឡេង Dolby Atmos។ ស្ថិតក្នុងជម្រើសពីរពណ៌មាន Mercury Gray និង Earthy Gold។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
