- 2019-08-07 02:49:06
- ព័ត៌មាន
Note10 ប្រកាសចេញព្រឹកស្អែក ឥឡូវលេចធ្លាយដំណឹងសំខាន់ៗជាច្រើន
- 2019-08-07 02:49:06
- ចំនួនមតិ 0 | ចំនួនចែករំលែក 0
Note10 ប្រកាសចេញព្រឹកស្អែក ឥឡូវលេចធ្លាយដំណឹងសំខាន់ៗជាច្រើន
ចន្លោះមិនឃើញ
Samsung នឹងប្រកាសចេញ Galaxy Note10 និង Note10+ នាពេលម៉ោង ៣ ទៀបភ្លឺ ថ្ងៃទី ៨ ខែសីហានេះ ក្នុងកម្មវិធី Unpacked ដែលធ្វើឡើងនាទីក្រុង New York។ មុនការប្រកាសចេញប៉ុន្មានម៉ោងទៀតនេះ ដំណឹងសំខាន់ៗអំពីស្មាតហ្វូនជំនាន់ចុងក្រោយបានលេចចេញតាមរយៈប្រកាសផ្សព្វផ្សាយរបស់ Samsung។
តាមក្រដាសផ្សព្វផ្សាយបានបង្ហាញថា Note10 នឹងមានអេក្រង់ទំហំ ៦,៣ អ៊ីញ ហើយ Note10+ នឹងមានអេក្រង់ទំហំ ៦,៨ អ៊ីញ ដែលទាំងពីរម៉ូដែលមានចោះរន្ធដាក់កាមេរ៉ា Selfie ចំកណ្ដាលអេក្រង់។ បន្ថែមពីនេះគេដឹងថា Note10 នឹងមានតម្លៃចាប់ពី ៩៤៩ ដុល្លារ ចំណែក Note10+ មានតម្លៃចាប់ផ្ដើមពី ១ ០៩៩ ដុល្លារ ជាតម្លៃនៅអាមេរិក។
គេដឹងទៀតថាប៊ិច S Pen ដែលបំពាក់លើស្មាតហ្វូននឹងមានមុខងារថ្មីៗ ដូចជា Air Gesture និងការចុចបញ្ជាដើម្បីប្ដូរឡេនកាមេរ៉ាជាដើម។ ត្រកូល Note10 ក៏នឹងមានមុខងារ "Superfast Charge” ដែលអាចសាកថ្មបានឆាប់ពេញ។
ទាក់ទងនឹងកាមេរ៉ា មិនមានការបង្ហាញលម្អិតនោះទេ ប៉ុន្តែក្នុងក្រដាសបាននិយាយថា Note10 អាចថតរូប Portrait បានស្អាត, ថតរូបទេសភាពដ៏ទាក់ទាញ និងច្បាស់ ហើយថតបានកៀក Object នៅគ្រប់ស្ថានភាពពន្លឺ។ លើសពីនេះមានបង្ហាញពីមុខងារថ្មីឈ្មោះថា Audio Zoom ដែលអាចជ្រើសរើសនូវប្រភពសំឡេងឲ្យឮខ្លាំង ពីទីតាំងណាមួយនៅក្នុងវីដេអូបាន។
រង់ចាំតាមដានទាំងអស់គ្នា នូវមុខងារពិសេសៗលើ Galaxy Note10 និង Note10+ ដែលនឹងប្រកាសចេញឆាប់ៗនេះ ហើយការប្រកាសចេញនេះក៏មានផ្សាយផ្ទាល់លើទំព័រ Facebook របស់ Sabay News Technology ផងដែរ៕
ចុចអាន៖