- 2019-07-16 02:43:29
- ព័ត៌មាន
មុខងារមួយលើ YouTube អាចរកបានដល់ ៤០០ ដុល្លារក្នុងមួយនាទី
- 2019-07-16 02:43:29
- ចំនួនមតិ 0 | ចំនួនចែករំលែក 0
មុខងារមួយលើ YouTube អាចរកបានដល់ ៤០០ ដុល្លារក្នុងមួយនាទី
ចន្លោះមិនឃើញ
នៅក្នុងកម្មវិធី VidCon ដែលជាសន្និសីទប្រចាំឆ្នាំនិយាយអំពីវីដេអូនៅលើអនឡាញ បានប្រព្រឹត្តទៅកាលពីពេលថ្មីៗនេះ។ បណ្ដាញ YouTube ក៏បានចូលរួមក្នុងកម្មវិធីនេះដែរ ហើយលោក Neal Mohan ប្រធានផ្នែកផលិតផល YouTube បាននិយាយអំពីការបន្ថែមនូវមុខងាររកលុយថ្មីៗលើ YouTube សម្រាប់ឲ្យ YouTuber ប្រើប្រាស់ ជាជាងការពឹងផ្អែកតែលើផ្ទាំងពាណិជ្ជកម្មមួយមុខ។
មុខងាររកលុយថ្មីៗដែល YouTube បានលើកឡើងមានដូចជា ការលក់ផលិតផលផ្ទាល់ខ្លួនរបស់ YouTuber ម្នាក់ៗ, ការបន្ថែមនូវ Sticker លុយសម្រាប់អ្នកផ្សាយផ្ទាល់វីដេអូ (អ្នកទស្សនាអាចផ្ដល់លុយដល់អ្នកផ្សាយផ្ទាល់ដោយចុចផ្ញើ Sticker ពេលកំពុងទស្សនា) និងមុខងារចូលជាសមាជិកលើគណនី YouTube មួយ ដោយគិតកម្រៃពីអ្នកចុះឈ្មោះ។
លោក Mohan បាននិយាយថា មុខងារថ្មីៗទាំងនេះមិនមែនជាការពិសោធតូចតាចនោះទេ និងបន្ថែមថាមុខងាររកលុយមួយចំនួនដែលមានរួចមកហើយលើ YouTube ពេលនេះអាចជួយឲ្យ YouTuber រកចំណូលបានច្រើនសន្ធឹក។
ជាក់ស្ដែងគឺមុខងារ Super Chat ដែល YouTube ដាក់ឲ្យប្រើកាលពីអំឡុងដើមឆ្នាំ ២០១៧។ រយៈពេល ១២ ខែចុងក្រោយនេះ មានគណនីជាង ៩ ម៉ឺនបានប្រើមុខងារនេះ ហើយមានខ្លះអាចរកចំណូលបានជាង ៤០០ ដុល្លារក្នុងមួយនាទី។ នេះបើតាមការបញ្ជាក់របស់ប្រធានផ្នែកផលិតផលខាងលើ។
Super Chat គឺជាមុខងារមួយ ដែលអាចឲ្យអ្នកគាំទ្រផ្ញើលុយដល់ YouTuber ដែលខ្លួនចូលចិត្ត អំឡុងពេលធ្វើការផ្សាយផ្ទាល់។ គណនី Nick Nimmin ដែលតែងបង្ហោះវីដេអូបង្រៀនទាក់ទងនឹងការប្រើ YouTube ឲ្យមានប្រសិទ្ធភាពនោះ និយាយថា "Super Chat” ជាប្រភពចំណូលធំលេខ ១ របស់ខ្លួន មានន័យថាច្រើនជាងពីចំណូលនៃពាណិជ្ជកម្មលោតក្នុងវីដេអូទៅទៀត៕
ចុចអាន៖
