- 2019-06-26 02:28:05
- ហាងឆេងផលិតផល
តម្លៃជាង ១០០ ដុល្លារ Apple Pencil 2 មានអីពិសេសប្រើជាមួយ iPad Pro
- 2019-06-26 02:28:05
- ចំនួនមតិ 0 | ចំនួនចែករំលែក 0
តម្លៃជាង ១០០ ដុល្លារ Apple Pencil 2 មានអីពិសេសប្រើជាមួយ iPad Pro
ចន្លោះមិនឃើញ
ប្រកាសចេញជាមួយ iPad Pro ស៊េរីថ្មី គឺ Apple Pencil 2 ដោយមានមុខងារថ្មីៗ ជាច្រើនដូចជាអាចស្ថិតនៅជាប់ iPad ដោយកម្លាំងដែកឆក់, ប្រព័ន្ធសាកបញ្ចូលថាមពលថ្មី និងអាចទ្រាំទ្រនឹងការបញ្ជាតាមកាយវិការដើម្បីដំណើរការមុខងារជាច្រើន។
Apple Pencil ជំនាន់ទីពីរអាចភ្ជាប់ជាមួយ iPad Pro ដោយស្វ័យប្រវត្តិ និងអាចសាកថ្មដោយមិនប្រើខ្សែ ហើយវាអាចឆក់ជាប់នឹង iPad Pro បានទៀតផង។ លើ Apple Pencil មានសមត្ថភាពថ្មី ដោយអាចប្ដូរមុខងារទៅជាការសរសេរអក្សរ ឬ ជាជ័រលុបបានដោយគ្រាន់តែគោះលើវា។
ងាកតម្លៃទីផ្សារក្នុងស្រុកបច្ចុប្បន្ននៅ Apple Pencil 1 មានតម្លៃប្រមាណជា ១១០ ដុល្លារ និង Apple Pencil 2 មានតម្លៃប្រមាណជា ១៥០ ដុល្លារ។
ចំពោះ iPad ឆ្នាំ ២០១៨ មានជម្រើសអង្គផ្ទុកទំហំធំដល់ទៅ ១ TB ហើយរន្ធដោតប្រភេទ USB-C បានចូលមកជំនួសរន្ធ Lightning ដែល Apple បានប្រើរាប់ឆ្នាំមកហើយ។ តាមរយៈការប្រើ USB-C នេះ iPad Pro នឹងអាចទ្រាំទ្រការភ្ជាប់ជាមួយ Monitor កម្រិត 5K និងអាចសាកថ្មឲ្យ iPhone ឬឧបករណ៍ដទៃទៀតបាន។
សម្រាប់តម្លៃទីផ្សារក្នុងស្រុក iPad Pro 11 ប្រភេទស៊ីមមានតម្លៃចាប់ពី ១ ០៥៩ ដុល្លារ ប្រភេទប្រើ Wi-Fi មានតម្លៃចាប់ពី ៨៩៩ ដុល្លារ។ iPad Pro 12.9 ប្រភេទស៊ីមមានតម្លៃចាប់ពី ១ ២៦៩ ដុល្លារ ប្រភេទប្រើ Wi-Fi មានតម្លៃចាប់ពី ១ ១០៩ ដុល្លារ។
iPad Pro ក៏មានប្រព័ន្ធ Bluetooth 5.0, បច្ចេកវិទ្យា Smart HDR លើកាមេរ៉ា Selfie ខាងមុខ, ដុំសាកថ្ម ១៨ វ៉ាត់, កាមេរ៉ាខាងក្រោមកម្រិត ១២ MP មានបច្ចេកវិទ្យា Smart HDR, មិនមានរន្ធដោតកាស និងមុខងារពិសេសៗជាច្រើនទៀត៕
បញ្ចាក់៖ តម្លៃទីផ្សារក្នុងស្រុក និងអាចប្រែប្រួលបន្ទាប់ពីចេញផ្សាយ។