សម្រាប់​ប្រព័ន្ធ​ប្រតិបត្តិ iOS 13 ​ដែល​បាន​ប្រកាស​កាល​ពី​ព្រឹត្តិការណ៍ WWDC នា​ដើម​ខែ​មិថុនា​កន្លង​ទៅ មាន​ការ​បង្ហាញ​នូវ​មុខងារ​ពិសេស​មួយ​ឲ្យ​ឈ្មោះ​ថា Look Around នៅ​ក្នុង​កម្មវិធី​ផែនទី Apple Map។

វា​ជា​ Virtual Map ឬ​ការ​បង្ហាញ​ផ្លូវ​ផែនទី​សិប្បនិមិ្មត ដូច​អ្នក​រាល់​គ្នា​ធ្លាប់​បាន​ស្គាល់​និង​ប្រើប្រាស់ Street View លើ Google Map អ៊ីចឹង​ដែរ។ ប៉ុន្តែ​តាម​រយៈ​ការ​ប្រៀបធៀប​ជា​លទ្ធផល​ដំណើរការ​គឺ​មុខងារ​ថ្មី​របស់ Apple អាច​យក​ឈ្នះ​ដាច់​ធៀប​នឹង​មុខងារ​របស់ Google ដោយ Look Around មាន​ល្បឿន​ដំណើរការ​លឿន ផ្លាស់​ទីតាំង​រហ័ស​មិន​រអាក់រអួល​ដូច Street View ឡើយ។

វីដេអូ​នេះបង្ហោះ​ផ្សាយ​ដោយ​គណនី Reuel van der Steege លើ​បណ្តាញ​សង្គម Twitter ដែល​លោក​ជា WordPress Developer មួយ​រូប បាន​បង្ហាញ​ពី​ល្បឿន​ដំណើរការ​រវាង​មុខងារ Look Around និង Street View។ ទស្សនា​វីដេអូ​ខាង​ក្រោម៖

Made a quick side-by-side comparison video driving the same road in Hawaii with 'Look Around' in Apple Maps on #iOS13 vs Google Street View. It really is "smoothly move down the street"! Impressive