- 2019-06-17 02:51:07
- ព័ត៌មាន
ក្រោយចែកផ្លូវជាមួយ Huawei ក្រុមហ៊ុនយក្សមួយនៅអាមេរិកខាតបង់ទាំងលានដុល្លារ
- 2019-06-17 02:51:07
- ចំនួនមតិ 0 | ចំនួនចែករំលែក 0
ក្រោយចែកផ្លូវជាមួយ Huawei ក្រុមហ៊ុនយក្សមួយនៅអាមេរិកខាតបង់ទាំងលានដុល្លារ
ចន្លោះមិនឃើញ
ថ្មីៗនេះក្រុមហ៊ុន Broadcom របស់សហរដ្ឋអាមេរិកទើបតែប្រកាសនូវរបាយការណ៍ហិរញ្ញវត្ថុប្រចាំត្រីមាសទី ២ នាឆ្នាំ ២០១៩។ ចំណូលនៅត្រីមាសទទួលបាន ៥,៥១៧ ពាន់លានដុល្លារ ដែលជាតួលេខធ្លាក់ចុះប្រមាណ ៤,៧ ភាគរយ ធៀបនឹងត្រីមាសដំបូង។
តាមរយៈការព្យាករណ៍ចុងក្រោយបង្អស់របស់ Broadcom ជុំវិញប្រាក់ចំណូលប្រចាំឆ្នាំ ២០១៩ សរុបបានមានការធ្លាក់ចុះមកត្រឹម ២២,៥ ពាន់លានដុល្លារ ពោលគឺថមថយ ៨ ភាគរយធៀបនឹងការព្យាករណ៍ចាស់កាលពី ៣ ខែមុន។ ហេតុផលចម្បងក៏ដោយសារតែការចែកផ្លូវជាមួយក្រុមហ៊ុនយក្សចិន ពោលគឺ Huawei លែងទទួលទិញបន្ទះឈីបរបស់ក្រុមហ៊ុនអាមេរិកមួយនេះតទៅទៀតហើយ។
កន្លងទៅ Hauwei ទទួលផ្គត់ផ្គង់ពីក្រុមហ៊ុនសហការចំនួន ៩២ ដោយក្នុងនោះមាន ១/៣ ប្រភពចេញពីសហរដ្ឋអាមេរិក ស្របពេលដែលខ្លួនក៏រាប់បញ្ចូលជាក្រុមហ៊ុនដែលទទួលទិញបន្ទះឈីបធំបំផុតលំដាប់ទីបីបន្ទាប់ពីក្រុមហ៊ុន Apple និង Samsung។ បែបនេះហើយការផ្តាច់ភាពជាដៃគូសហការរវាងក្រុមហ៊ុនអាមេរិក-ចិន បានក្លាយជាបញ្ហាដ៏គួរឲ្យញញើតមួយរវាងភាគីទាំងពីរ។
នៅផ្សារហ៊ុន New York Stock Exchange ភាគហ៊ុនរបស់បណ្តាក្រុមហ៊ុនធំៗមានតាំងពី Broadcom ធ្លាក់ចុះ ៥,៥៧ ភាគរយ, AMD ធ្លាក់ ៣,៣ ភាគរយ, NVIDIA ធ្លាក់ ២,២ ភាគរយ, Intel ធ្លាក់ ១,១ ភាគរយ ហើយសូម្បីតែក្រុមហ៊ុនឯទៀតនៅក្រៅទឹកដីអាមេរិកដូចជា TSMC ADR របស់តៃវ៉ាន់ក៏ធ្លាក់ចុះ ៤,១ ភាគរយយ៉ាងគំហុកផងដែរ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
