ស្វែងយល់ពីចំណុចសំខាន់និងការប្រើប្រាស់មុខងារ Dark Mode លើ iOS 13

2019-06-04 04:06:24
ព័ត៌មាន

2019-06-04 04:06:24
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹត្តិការណ៍ WWDC ២០១៩ កាលពីយប់មិញ Apple បានបង្ហាញនូវមុខងារថ្មីមួយឲ្យឈ្មោះ 'Dark Mode' ដែលនឹងលេចចេញក្នុងប្រព័ន្ធប្រតិបត្តិ iOS 13 ត្រៀមដាក់ឲ្យប្រើប្រាស់អំឡុងការបង្ហាញ iPhone សេរ៊ីថ្មី។ មុខងារនេះមានការអភិវឌ្ឍដូចទៅនឹង Dark Mode ធ្លាប់មានលើប្រព័ន្ធ macOS Mojave កាលពីឆ្នាំទៅអ៊ីចឹងដែរ។

ដើម្បីដំណើរការ Dark Mode អ្នកប្រើប្រាស់អាចធ្វើការកំណត់បានក្នុងកម្មវិធី Settings ស្ថិតនៅខាងក្នុងផ្នែក Display & Brightness ដែលមានកំណត់ជា Light (ភ្លឺធម្មតា) ឬ Dark (ងងឹត) និងម្យ៉ាងទៀតក៏អាចកំណត់ថេរវេលាលើការប្រើមុខងារនេះស្វ័យប្រវត្តិថែមទៀតផង។

កាន់តែសាមញ្ញនិងរហ័សបំផុត Dark Mode ក៏មានបង្កប់ក្នុងប្រអប់ថែមថយពន្លឺអេក្រង់ លើផ្ទៃ Control Center ដោយគ្រាន់អ្នកសង្កត់លើនោះឲ្យជាប់ ដល់លោតឃើញមុខងារថ្មីមួយនេះ។

សម្រាប់ Dark Mode នៅពេលដែលអ្នកបើកដំណើរការវា មិនត្រឹមតែផ្ទៃកម្មវិធី (App) នោះទេ ដែលប្រែទៅជាងងឹត សូម្បីតែផ្ទៃនៃ Wallpaper ក៏នឹងផ្លាស់ប្តូរស្វ័យប្រវត្តិដូចគ្នា។ គិតត្រឹមបច្ចុប្បន្ន Apple អភិវឌ្ឍឲ្យដំណើរការលើកម្មវិធីសំខាន់ៗមួយចំនួនមានដូចជា Settings, Photo, Apple Mucic, Message, Phone, Map, Mail, Apple News និងជាច្រើនទៀតដែលនឹងកំណត់ឲ្យគាំទ្រជាបន្តបន្ទាប់។

ទស្សនាវីដេអូខាងក្រោម៖