- 2019-06-03 01:01:18
- ព័ត៌មាន
បង្កើតឡើងបាន ១៨ ឆ្នាំ Apple គ្រោងប្រកាសឲ្យកម្មវិធីមួយចូលនិវត្តន៍ហើយ
- 2019-06-03 01:01:18
- ចំនួនមតិ 0 | ចំនួនចែករំលែក 0
បង្កើតឡើងបាន ១៨ ឆ្នាំ Apple គ្រោងប្រកាសឲ្យកម្មវិធីមួយចូលនិវត្តន៍ហើយ
ចន្លោះមិនឃើញ
យោងតាមរបាយការណ៍ពី MacRumors បានកត់សម្គាល់ឃើញថាទាំងនៅលើទំព័រ Facebook និង Instagram នៃ iTunes របស់ Apple ត្រូវបានកែប្រែដោយកំណត់ឲ្យអ្នកប្រើប្រាស់ចុចឆ្លងចូលទៅកាន់ទំព័រថ្មីនៃ Apple TV ជំនួសវិញ។ រឿងរ៉ាវដ៏ភ្ញាក់ផ្អើលនេះបានផ្ទុះឡើង មុនរយៈពេលប៉ុន្មានថ្ងៃនៃការមកដល់នៅព្រឹត្តិការណ៍ WWDC ឆ្នាំ ២០១៩ នាខែមិថុនា ដែលជាសញ្ញាបង្ហាញយ៉ាងច្បាស់ថាកម្មវិធីមានអាយុកាល ១៨ ឆ្នាំនេះត្រូវឈានមកដល់ផ្លូវបញ្ចប់ហើយ។
តាមការព្យាករណ៍គេជឿជាក់ថា Apple នឹងចែកដាច់ដោយឡែករវាងកម្មវិធី Musis, TV និង Podcast ពោលគឺពុំប្រើប្រាស់បញ្ចូលតែមួយក្នុង iTunes ដូចកាលពីអតីតកាលទៀតឡើយ។ អ្នកប្រើប្រាស់ក៏ទំនងជានឹងឃើញមុខងារថ្មីមួយចំនួនដូចជាការបើកឲ្យទិញតន្រ្តីនៅលើកម្មវិធី Music ដូចធ្លាប់មានលើ iTunes គួបផ្សំការកែប្រែជាច្រើនទៀត។
រំឭកថានេះមិនខុសពីការលើកឡើងនាខែមេសា របស់អ្នកអភិវឌ្ឍមួយរូបលោក Steve Troughton-Smith បានបង្ហើបលើបណ្តាញសង្គម Twitter ថា៖ "ដោយផ្អែកតាមភស្តុតាងដែលខ្ញុំមិនចង់បង្ហាញជាសាធារណៈ គឺ Apple កំពុងរៀបចំបង្កើតកម្មវិធីថ្មីមាន Music, Podcasts និង Books ជាដើមសម្រាប់ macOS មកចូលរួមជាមួយកម្មវិធី TV ពោលគឺដល់ពេលចែកផ្លូវជាមួយ iTunes ហើយ"។
គួរបញ្ជាក់ថា iTunes បានប្រកាសកាលពីថ្ងៃទី ៩ មករា ឆ្នាំ ២០០១ អំឡុងស្ថិតក្រោមការដឹកនាំដោយស្ថាបនិកលោក Steve Jobs ដែលកម្មវិធីអាចដំណើរការបានទាំងនៅលើ iPhone/iPad ក៏ដូចជាកុំព្យូទ័រប្រើប្រព័ន្ធ Windows 7 និង macOS។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
