ប្រឡូកបាន ៣ ឆ្នាំ Oppo នឹងបញ្ចប់ឈ្មោះស៊េរី “F“ ហើយជំនួសដោយឈ្មោះថ្មីនេះវិញ

2019-05-30 01:50:18
ព័ត៌មាន

2019-05-30 01:50:18
ចំនួនមតិ 0 | ចំនួនចែករំលែក 0

ចន្លោះមិនឃើញ

F11 និង F11 Pro នឹងក្លាយជាស្មាតហ្វូនសេរ៊ី F ចុងក្រោយបង្អស់ មុនត្រូវបានក្រុមហ៊ុន Oppo ផ្លាស់ប្តូរឈ្មោះទៅជាសេរ៊ី "Reno" នៅពេលខាងមុខ។ យោងតាមសារព័ត៌មាន 91Mobiles បានឲ្យដឹងថាក្រុមហ៊ុនយក្សចិនមួយនេះ នឹងប្រើប្រាស់ឈ្មោះ Reno ជំនួសវិញលើទីផ្សារសកលសម្រាប់ថ្ងៃអនាគត។

សេរ៊ី F របស់ក្រុមហ៊ុន Oppo បានចេញផ្សាយដំបូងបង្អស់នាខែមករា ឆ្នាំ ២០១៦ ជាប់ជាស្មាតហ្វូនធុនកណ្តាលដែលមានតម្លៃសមរម្យ ផ្តល់នូវសមត្ថភាពនៃកាមេរ៉ា Selfie ច្បាស់ម៉ត់ល្អ និងវិវត្តរូបរាងបានល្អពីមួយកម្រិតទៅមួយកម្រិត។

សម្រាប់ម៉ូឌែល Reno ដំបូងបង្អស់ ត្រូវបានរចនាជាកាមេរ៉ាឆូតរាងទ្រេត "Shark Fin" នៅផ្នែកខាងលើ ដោយមានពីរជម្រើសជាប្រភេទធម្មតានិង 10x Zoom ដែលម៉ូឌែល 10x Zoom មានប្រើកាមេរ៉ា ៣ គ្រាប់ អាចថតវីដេអូដល់កម្រិត 4K។

រំឭកថា Oppo ទទួលបានជោគជ័យខ្លាំងនាឆ្នាំ ២០១៨ ដោយនៅទីផ្សារសកលខ្លួនក្តោបក្តាប់ទីផ្សារបាន ៤,១ ភាគរយ តែជាតួលេខកើនឡើង ៣៨,៦ ភាគរយនៅត្រីមាសចុងក្រោយ។ សម្រាប់ទីផ្សារប្រទេសវៀតណាម Oppo កំពុងឈរចំណាត់ថ្នាក់ទី ២ លក់ចេញបាន ៣,៥ លានគ្រឿង ស្មើនឹង ២៣ ភាគរយនៃចំណែកទីផ្សាររួម។