- 2019-05-16 03:29:10
- ព័ត៌មាន
Apple ប្រើស្ទីលកាមេរ៉ា ៤ ជ្រុងលើ iPhone ស៊េរីថ្មីទាំង ៣ ហ្មង
- 2019-05-16 03:29:10
- ចំនួនមតិ 0 | ចំនួនចែករំលែក 0
Apple ប្រើស្ទីលកាមេរ៉ា ៤ ជ្រុងលើ iPhone ស៊េរីថ្មីទាំង ៣ ហ្មង
ចន្លោះមិនឃើញ
ស្របពេលដែល Apple កំពុងត្រៀមសង្វាក់ផលិតកម្មសម្រាប់ iPhone ស៊េរីថ្មីដែលចេញនៅខែកញ្ញាខាងមុខនេះ ដំណឹងលេចធ្លាយក៏បានលេចចេញកាន់តែច្រើនឡើងៗដែរ ពីមួយថ្ងៃទៅមួយថ្ងៃ។
លេចធ្លាយចុងក្រោយនេះគឺរូបភាពមួយសន្លឹកបង្ហោះដោយគណនី Twitter របស់ Mark Gunman ដែលជាអ្នកសរសេរព័ត៌មានអំពីផលិតផល Apple ប្រចាំសារព័ត៌មាន Bloomberg។ រូបភាពថ្មីបានបញ្ជាក់បន្ថែមពីលើរូបភាព Render កន្លងមក ដែលបង្ហាញថា iPhone ស៊េរីថ្មីទាំង ៣ នឹងមានរចនាបថកាមេរ៉ារាងបួនជ្រុង បូករួមទាំង iPhone XR ស៊េរីថ្មី ដែលមានកាមេរ៉ាត្រឹម ២ គ្រាប់ផងដែរ។
រូបភាពនេះគឺជាពុម្ពដែលប្រើប្រាស់ដោយក្រុមហ៊ុនផលិតសម្បកការពារ សម្រាប់ iPhone ជំនាន់ថ្មី ហើយវាផ្អែកលើគំនូសបំព្រួញ និងវិមាត្រដែលលេចធ្លាយចេញពីរោងចក្រផលិត iPhone ផ្ទាល់តែម្ដង។ វាអាចមិនបង្ហាញអំពី iPhone ស៊េរីថ្មីទាំងមូលនោះទេ ប៉ុន្តែទាក់ទងនឹងវិមាត្រភាគច្រើនគឺត្រូវៗណាស់ និងបង្ហាញអំពីរន្ធមួយចំនួន។
គួរដឹងថារចនាបថកាមេរ៉ារាងបួនជ្រុងនេះ ត្រូវបានលេចចេញដំបូងកាលពីដើមខែមករាកន្លងទៅ ដែលចែករំលែកដោយ OnLeaks។ ទាក់ទងនឹងឈ្មោះ iPhone ជំនាន់ថ្មីទាំងបី មិនទាន់មានប្រភពណាអាចបញ្ជាក់បាននៅឡើយទេ ប៉ុន្តែគេបានប្រើឈ្មោះតំណាងថា iPhone 11 និង iPhone XR 2019 ជាដើម៕
ចុចអាន៖