- 2019-05-05 07:58:11
- ព័ត៌មាន
ចិន យកឡានតម្លៃ ១ ម៉ឺនដុល្លារ លក់នៅអាមេរិក
- 2019-05-05 07:58:11
- ចំនួនមតិ 0 | ចំនួនចែករំលែក 0
ចិន យកឡានតម្លៃ ១ ម៉ឺនដុល្លារ លក់នៅអាមេរិក
ចន្លោះមិនឃើញ
ក្រុមហ៊ុនរថយន្តចិន Zotye បានបញ្ជាក់កាលពីថ្ងៃព្រហស្បតិ៍កន្លងទៅថារថយន្តម៉ូដែល T600 ដែលជាប្រភេទរថយន្ត SUV ខ្នាតតូច នឹងជារថយន្តដំបូងរបស់ខ្លួនសម្រាប់វាយលុកលើទីផ្សារសហរដ្ឋអាមេរិក។
រថយន្ត T600 គឺជារថយន្ត SUV ស៊េរីចុងក្រោយបំផុតរបស់ Zotye ដែលបានបង្ហាញមុខនៅក្នុងកម្មវិធី Shanghai Motor Show ឆ្នាំ ២០១៩ នាខែមេសាកន្លងទៅ។ រថយន្ត T600 ស៊េរីថ្មីទទួលបានការចាប់អារម្មណ៍ពីសំណាក់សារព័ត៌មានដោយសារមានរូបរាងទាក់ភ្នែក និងទំនើបទៀតផង។
លក្ខណៈសម្បត្តិរថយន្ត T600 សម្រាប់លក់នៅសហរដ្ឋអាមេរិកមិនទាន់ត្រូវបានបង្ហាញនោះទេ ប៉ុន្តែគេរំពឹងថាវានឹងប្រើម៉ាស៊ីន Turbocharged ៤ ស៊ីឡាំង ចំណុះ ១,៦ លីត្រ គួបផ្សំនឹងប្រអប់លេខអូតូ ៦ វគ្គ។
រថយន្ត Zotye T600 បានចាប់កំណើតតាំងពីឆ្នាំ ២០១៣ ដោយលក់លើទីផ្សារប្រទេសចិនក្នុងតម្លៃចន្លោះពីប្រមាណ ១១ ៩០០ ដុល្លារ រហូតដល់ ១៤ ៧០០ ដុល្លារ។ ក្រុមហ៊ុន Zotye មិនទាន់បានបង្ហាញតម្លៃរបស់រថយន្តនេះសម្រាប់លក់នៅសហរដ្ឋអាមេរិកនៅឡើយទេ ដោយវាគ្រោងនឹងបញ្ចេញលក់នៅចុងឆ្នាំ ២០២០ ឬត្រីមាសទី ១ ឆ្នាំ ២០២១។
គួរដឹងថា Zotye គឺជាក្រុមហ៊ុនចិនដំបូងគេ ដែលមានមហិច្ឆតាចង់វាយលុកលើទីផ្សារសហរដ្ឋអាមេរិក។ សម្រាប់ផែនការវាយលុយនេះ Zotye បានចាប់ដៃជាមួយក្រុមហ៊ុនរថយន្ត HAAH Automative Holdings របស់សហរដ្ឋអាមេរិក ដើម្បីបង្កើតក្រុមហ៊ុន Zotye USA ដែលមានមូលដ្ឋាននៅ ទីក្រុង Lake Forest រដ្ឋ California៕
