- 2019-05-02 02:53:11
- ព័ត៌មាន
EZECOM បរិច្ចាគមួកសុវត្ថិភាព និងអប់រំពីសុវត្ថិភាពចរាចរណ៍ ដល់សិស្សានុសិស្សក្នុង រាជធានីភ្នំពេញ
- 2019-05-02 02:53:11
- ចំនួនមតិ 0 | ចំនួនចែករំលែក 0
EZECOM បរិច្ចាគមួកសុវត្ថិភាព និងអប់រំពីសុវត្ថិភាពចរាចរណ៍ ដល់សិស្សានុសិស្សក្នុង រាជធានីភ្នំពេញ
ចន្លោះមិនឃើញ
នៅទូទាំងពិភពលោក មនុស្សជាង ៣ពាន់៤រយនាក់បានស្លាប់នៅលើដងផ្លូវជារៀងរាល់ថ្ងៃ ហើយមនុស្សរាប់លាននាក់ត្រូវបានរងរបួស ឬពិការរៀងរាល់ឆ្នាំដោយសារបញ្ហានេះ។ កុមារ អ្នកថ្មើរជើង អ្នកជិះកង់ និងមនុស្សចាស់ គឺជាក្រុមបុគ្គលដែលងាយរងគ្រោះខ្លាំងបំផុត។ បញ្ហាគ្រោះថ្នាក់ចរាចរណ៍បានបង្កឱ្យមនុស្សជាតិខាតបង់ថវិកា និងធនធានជាច្រើន ព្រមទាំងគំរាមកំហែងដល់កិច្ចខិតខំប្រឹងប្រែងលុបបំបាត់ភាពក្រីក្រ និងការអភិវឌ្ឍប្រកបដោយចីរភាព នៅក្នុងពិភពលោកទៀតផង។
តាមប្រព័ន្ធទិន្នន័យជនរងគ្រោះថ្នាក់ចរាចរណ៍ក្នុងឆ្នាំ២០១៧ ចំនួនអ្នកស្លាប់ ៧៥%ពាក់ព័ន្ធនឹងការប្រើប្រាស់ទោចក្រយានយន្ត និងរងរបួសក្បាលហើយមានតែ ៦៩%ប៉ុណ្ណោះដែលពាក់មួកសុវត្ថិភាព។ ខណៈពេលដែលប្រទេសកម្ពុជាត្រូវបានធ្វើការ លើកលែងបណ្ណបើកបរម៉ូតូ តាមទិន្នន័យបឋមដែលប្រមូលបានយើងសង្កេតឃើញថា ៩%ជាអ្នកថ្មើរជើង ២%អ្នកស្លាប់ជាកុមារ ៧%ជាកុមារដែលមានអាយុតិចជាង ១៥ឆ្នាំ ២៦% ជាកុមារសិក្សា នៅបឋមសិក្សា។ ទាំងនេះជាមូលហេតុដែលកិច្ចការលើកកម្ពស់ការយល់ដឹងអំពីសុវត្ថិភាពចរាចរណ៍ និងសកម្មភាពលើកកម្ពស់សុវត្ថិភាពលើដងផ្លូវនៅតែមានសារៈសំខាន់។
ដើម្បីចូលរួមចំណែកដោះស្រាយបញ្ហានេះ ក្រុមហ៊ុន EZECOM បានសហការជាមួយអង្គការសម្ព័ន្ឋដើម្បីសុវតិ្ថភាពចរាចរណ៍ផ្លូវគោក (CRY) ដើម្បីរៀបចំព្រឹត្តិការណ៍មួយនៅថ្ងៃទី ២៦ មេសា ឆ្នាំ២០១៩ ដើម្បីលើកកម្ពស់ការយល់ដឹងពីពីសុវត្ថិភាពចរាចរណ៍ និងចែកមួកសុវត្ថិភាពដោយឥតគិតថ្លៃដល់សិស្សានុសិស្សនៅសាលាបឋមសិក្សាឧកញ៉ា ហ៊ុន នាង បាក់ខែង នៅក្នុងរាជធានីភ្នំពេញ ដែលមានគោលបំណងដើម្បីបង្ហាញការងារលើកកម្ពស់ការពាក់មួកសុវតិ្ថភាពឲ្យបានគ្រប់គ្នា ជាពិសេសសុវតិ្ថភាពរបស់ប្អូនសិស្សានុសិស្ស និងអ្នកប្រើប្រាស់ផ្លូវផ្សេងៗទៀត។
លោក ថាន ថេន នាយកផ្នែកពាណិជ្ជកម្ម ក្រុមហ៊ុន EZECOM បានមានប្រសាសន៍ដូច្នេះថា៖ “បញ្ហាគ្រោះថ្នាក់ចរាចរណ៍ពិតជាអាចកាត់បន្ថយបាន ប្រសិនបើគ្រប់គ្នាគោរពច្បាប់ចរាចរណ៍អោយបានខ្ជាប់ខ្ជួន និងប្រើប្រាស់ឧបករណ៍ការពារខ្លួនសមរម្យ ដូចជា ការពាក់មួកសុវត្ថិភាពអោយអោយបានត្រឹមត្រូវ ជាដើម។”
លោកបានបន្ថែមថា៖ “កត្តាមនុស្សជាកត្តាចម្បងទីមួយ ដែលជះឥទ្ធិពលលើបញ្ហាសុវត្ថិភាពចរាចរណ៍នៅកម្ពុជា។ ដូច្នេះខ្ញុំយល់ឃើញថា វិធានការដ៏មានប្រសិទ្ធភាពមួយ គឺការបន្តលើកកម្ពស់ការយល់ដឹងរបស់របស់ប្រជាពលរដ្ឋគ្រប់វ័យអំពីច្បាប់ចរាចរណ៍ និងការលើកទឹកចិត្តអោយប្រជាពលរដ្ឋគោរពច្បាប់ចរាចរណ៍អោយបានគ្រប់ៗគ្នា។”
លោកស្រី លឹម សុខជា ទីប្រឹក្សាជាន់ខ្ពស់របស់អង្គការ (CRY) បានមានប្រសាសន៍ដូច្នេះថាគ្រោះថ្នាក់ចរាចរណ៍មិនមែនជាបញ្ហារបស់បុគ្គលណាតែម្នាក់ឯងនោះទេ វាជាបញ្ហារបស់យើងទាំងអស់គ្នា និងសង្គមកម្ពុជាទាំងមូល ហើយទាមទារឲ្យមានការ ចូលរួមដោយយកចិត្តទុកដាក់ក្នុងការដោះ ស្រាយដើម្បីឲ្យថយចុះមកនៅកំរិតមួយ ទាបបំផុត។ យើងពិតជាអាចការពារ និងកាត់បន្ថយគ្រោះថ្នាក់ចរាចរណ៍ នេះឲ្យធ្លាក់ ចុះមកនៅកំរិតមួយទាបបំផុតប្រសិនបើយើងទាំងអស់គ្នា ទាំងស្ថាប័នរាជរដ្ឋាភិបាល អង្គការជាតិ-អន្តរជាតិ អង្គការមនុស្សធម៌ ផ្នែកឯកជន និងអ្នកប្រើប្រាស់ផ្លូវរួមគ្នា ចូលរួមទាំងអស់គ្នា តាមលទ្ធភាពធនធាន និងជំនាញបច្ចេកទេសដែលយើងមាន និងកំពុងប្រតិបត្តិការការងារ។
សកម្មភាពនេះនឹងជួយដោយផ្ទាល់ដល់សិស្សានុសិស្ស និងប្រជាជនចំនួន ៨៥០នាក់ នៅក្នុងរាជធានីភ្នំពេញ តាមរយៈការចែកមួកសុវត្ថិភាពចំចំនួន ២៨៥មួកសុវតិ្ថភាព និងការចែកចាយឯកសារពាក់ព័ន្ធនឹងការអប់រំចរាចរណ៍ជាច្រើនផងដែរ។ ក្រុមហ៊ុន EZECOM សង្ឃឹមថាតាមរយៈការខិតខំប្រឹងប្រែងនេះ ដងផ្លូវនៅក្នុងរាជធានីភ្នំពេញ និងក្នុងប្រទេសកម្ពុជា នឹងមានសុវត្ថិភាពជាងមុនសម្រាប់ទាំងអស់គ្នា៕
