• 2019-04-11 02:30:00
  • ផលិតផលថ្មី

ចេញ​ហើយ Samsung Galaxy A80 អេក្រង់​ពេញ​ស្អាត កាមេរ៉ា​បង្វិល​មុខក្រោយ​ម៉ា​អេម

  • 2019-04-11 02:30:00
  • ចំនួនមតិ 0 | ចំនួនចែករំលែក 173

ចន្លោះមិនឃើញ

ក្រុមហ៊ុន Samsung បាន​ចេញ​ផ្សាយ​ស្មាតហ្វូន Galaxy A80 ជា​ផ្លូវការ​កាល​ពី​យប់មិញ ដោយ​ផ្លាស់ប្តូរ​រចនាបថ​ថ្មី​មួយ​ទំហឹង​ទាំង​ផ្នែក​អេក្រង់​និង​កាមេរ៉ា។ ចំណុច​រសើប​ត្រង់​ការ​បំពាក់​អេក្រង់​ពេញ New Infinity Display និង​កាមេរ៉ា​បង្វិល​មុខ​ក្រោយ​ធ្លាប់​លេច​ក្នុង​ចចាមអារ៉ាម​កាល​ពី​សព្វ​មួយ​ដង។

កាមេរ៉ា Pop-up លើ A80 មាន​ផ្ទុក​កាមេរ៉ា​មុខ​ក្រោយ​លើ​ទីតាំង​តែ​មួយ ដោយ​កាមេរ៉ា​ក្រោយ ៣ ​គ្រាប់​មាន​មួយ 48MP f/2.0 មួយ​គ្រាប់​ទៀត​ប្រភេទ Ultrawide ទំហំ 8MP f/2.2 និង​គ្រាប់​ទី​បី​ជា ToF Sensor ខណៈ​កាមេរ៉ា​មុខ​ឈរ​លើ​ទីតាំង​តែ​មួយ​បែប​នេះ​ពុំ​មាន​បន្សល់​ស្នាម​ឆក​ណា​មួយ​លើ​អេក្រង់​លាត​ស្មើ​ទំហំ ៦,៧ អ៊ីញ​កម្រិត FHD+ (១ ០៨០x២ ៤០០ ភីកសែល) ប្រភេទ Super AMOLED។

ទម្រង់​រចនាបថ​កាមេរ៉ា​បង្វិល​បែប​នេះ​ធ្លាប់​មាន​ដំបូង​បង្អស់​លើ Oppo N1 ស៊េរី​ឆ្នាំ ២០១៤ ប៉ុន្តែ​មិន​ទំនើប​ខ្លាំង​ដូច​សេរ៊ី A80 នេះ​ទេ។ ក្រឡេក​ទៅ​មើល​ថាមពល​ថ្ម​ធុន​ខ្ពស់​ត្រកូល A មួយ​នេះ​មាន​ទំហំ ៣ ៧០០mAh គាំទ្រ​មុខងារ​សាក​ថ្ម​រហ័ស​កម្លាំង ២៥ វ៉ាត់ ដោយ​មាន RAM ទំហំ 8GB និង​អង្គ​ផ្ទុក 128GB គាំទ្រ​មុខងារ​ស្កេន​ខ្ចៅ​ដៃ​លើ​អេក្រង់។

ទស្សនា​វីដេអូ​ខាង​ក្រោម៖

ដោយ​មិន​ទាន់​បញ្ជាក់​តម្លៃ​ Galaxy A80 ក៏​នឹង​ចេញ​លក់​ក្នុង​អំឡុង​ថ្ងៃ​ទី ២៩ ​ឧសភា ស្រប​ពេល Galaxy A70 នឹង​លេច​មុខ​លើ​ទីផ្សារ​នា​ថ្ងៃ​ទី ២៦ មេសា​ខាង​មុខ​នេះ។ នេះ​ជា​ពីរ​ម៉ូឌែល​ថ្មី​ទៀត​បន្ទាប់​ពី Samsung ប្រកាស​ម៉ូឌែល​ជា​ច្រើន​មាន​តាំង​ពី A10/A20/A30 និង A50៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

ប្រភព៖ theverge ប្រែ​សម្រួល៖ កៅ រក្សា

មតិយោបល់