- 2019-04-09 01:38:00
- ព័ត៌មាន
Asus ត្រៀមប្រកាស ROG Phone ជំនាន់ទីពីរ តែសម្រុកខ្លាំងក្នុងទីផ្សារប្រទេសមួយ
- 2019-04-09 01:38:00
- ចំនួនមតិ 0 | ចំនួនចែករំលែក 0
Asus ត្រៀមប្រកាស ROG Phone ជំនាន់ទីពីរ តែសម្រុកខ្លាំងក្នុងទីផ្សារប្រទេសមួយ
ចន្លោះមិនឃើញ
ឧស្សាហកម្មស្មាតហ្វូន Gaming បានកំពុងមានការប្រកួតប្រជែងជាខ្លាំងជុំវិញពិភពលោក បន្ទាប់ពីកំណើនអ្នកនិយមកម្សាន្តហ្គេមល្បីឈ្មោះដូចជា PUBG និង Mobile Legends ជាដើមនោះ មានតួលេខដល់ខ្ទង់រយលាននាក់ គួបផ្សំការបង្កើតនូវព្រឹត្តិការណ៍ប្រកួតធំៗជាច្រើនឥតឈប់ឈរ។
យោងតាមសារព័ត៌មាន Digitimes បញ្ជាក់ឲ្យដឹងថា ROG Phone ជំនាន់ទី ២ នឹងវាយសម្រុកខ្លាំងក្នុងទីផ្សារប្រទេសចិន ពោលគឺរំពឹងនឹងចាប់ដៃជាមួយ ក្រុមហ៊ុន Tencent ដើម្បីផ្សព្វផ្សាយឲ្យជ្រួតជ្រាបពេញទីផ្សារចិនពីស្មាតហ្វូនជំនាន់ក្រោយនេះ។
ក្នុងនោះ ROG Phone ជាស្មាតហ្វូនលេងហ្គេមតម្លៃថ្លៃបំផុតមួយរបស់សហរដ្ឋអាមេរិក ដោយជម្រើសអង្គផ្ទុក 512GB ថ្លៃដល់ទៅ ១ ១០០ ដុល្លារ។ ត្បិតអីតម្លៃរាងកល់ ធៀបនឹងគូប្រជែងដទៃ តែ Asus ក៏នឹងនៅសម្លឹងឃើញពីភាពជោគជ័យ ហើយត្រៀមខ្លួនបន្តចេញផ្សាយជំនាន់ទីពីររបស់ខ្លួននាត្រីមាសទី ៣ ឆ្នាំ ២០១៩។
រំឭកថា ROG Phone ជំនាន់ដំបូងបានចេញផ្សាយកាលពីខែមិថុនា ឆ្នាំ ២០១៨ ជាស្មាតហ្វូនប្រើប្រាស់ RAM 8GB និងបន្ទះឈីប Snapdragon 845 ដោយ Refresh Rate បង្ហាញលើអេក្រង់ផ្តល់ជូនអ្នកប្រើប្រាស់នៅកម្រិត ៩០Hz ល្បឿន 1ms។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
