- 2019-04-02 06:59:33
- ព័ត៌មាន
ថា Apple ទៅកើបប្រាក់ចំណេញកប់ពពក ប៉ុន្តែនៅចាញ់ក្រុមហ៊ុនមួយនៅអារ៉ាប៊ីសាអ៊ូឌីតដាច់
- 2019-04-02 06:59:33
- ចំនួនមតិ 0 | ចំនួនចែករំលែក 0
ថា Apple ទៅកើបប្រាក់ចំណេញកប់ពពក ប៉ុន្តែនៅចាញ់ក្រុមហ៊ុនមួយនៅអារ៉ាប៊ីសាអ៊ូឌីតដាច់
ចន្លោះមិនឃើញ
កាលពីអតីតកាល Apple ត្រូវបានគេដឹងថាជាក្រុមហ៊ុនកំពូលមួយក្នុងលោកដែលអាចរកប្រាក់ចំណេញពីការលក់ឧបករណ៍បច្ចេកវិទ្យាបានច្រើនដាច់គេ។ ប៉ុន្តែរបាយការណ៍សម្រាប់ប្រាក់ចំណេញនាឆ្នាំ ២០១៨ កន្លងទៅនេះ Apple បានធ្លាក់មកដល់លេខ ២ ហើយ។
ចំណាត់ថ្នាក់ទី ១ បានទៅលើក្រុមហ៊ុនផលិតប្រេងខ្នាតយក្ស Saudi Aramco ដែលមានមូលដ្ឋាននៅប្រទេសសេដ្ឋីអារ៉ាប៊ីសាអ៊ូឌីតដែលទទួលបានប្រាក់ចំណេញប្រមាណ ១១១ ពាន់លានដុល្លារ ។ ធៀបនឹង Apple កើបបានត្រឹម ៥៩,៥៣ ពាន់លានដុល្លារ ប៉ុណ្ណោះកាលពីឆ្នាំទៅ។
ចំណូលសរុបរបស់ក្រុមហ៊ុនដែលបង្កើតឡើងនៅឆ្នាំ ១៩៣៣ មួយនេះមាន ៣៥៥,៩ ពាន់លានដុល្លារ ពឹងផ្អែកលើការផលិតប្រេងប្រមាណ ១០,៣ លានបារ៉ែលក្នុងមួយថ្ងៃៗ។
ទំហំតួលេខនេះសោតក៏នៅតែអាចយកឈ្នះ បើធៀបនឹងការបូកបញ្ចូលគ្នានៃប្រាក់ចំណេញក្រុមហ៊ុនកំពូល ៤ មាន J.P. Morgan Chase, Alphabet, Facebook និង Exxon Mobil ទទួលបានត្រឹមក្បែរ ១០៦ ពាន់លានដុល្លារ។ នេះបើយោងតាមទិន្នន័យចេញពី FactSet ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
