- 2019-03-31 02:37:43
- ព័ត៌មាន
Sony នឹងកាត់បន្ថយបុគ្គលិកពាក់កណ្ដាលត្រឹមឆ្នាំ ២០២០ លើជំនួញផលិតស្មាតហ្វូន
- 2019-03-31 02:37:43
- ចំនួនមតិ 0 | ចំនួនចែករំលែក 0
Sony នឹងកាត់បន្ថយបុគ្គលិកពាក់កណ្ដាលត្រឹមឆ្នាំ ២០២០ លើជំនួញផលិតស្មាតហ្វូន
ចន្លោះមិនឃើញ
ក្រោយពីមានការរុះរើរចនាសម្ព័ន្ធក្រុមហ៊ុន Sony ដោយនឹងដាក់ជំនួញផលិតស្មាតហ្វូនបញ្ចូលគ្នាជាមួយនឹងជំនួញទូរទស្សន៍ និង ជំនួញកាមេរ៉ា នៅខាងជំនួញផលិតស្មាតហ្វូននេះក៏នឹងមានការជម្រុះចោលបុគ្គលិកផងដែរ។
របាយការណ៍ចេញពីប្រទេសជប៉ុនបានឲ្យដឹងថានៅ Sony Mobile នឹងមានការកាត់បន្ថយបុគ្គលិកចំនួនពាក់កណ្ដាលត្រឹមខែមីនា ឆ្នាំ ២០២០ ពោលស្មើប្រមាណ ២ ពាន់នាក់ឯណោះ។ ដើម្បីកាត់បន្ថយការចំណាយ Sony ក៏នឹងកាត់បន្ថយទំហំទីផ្សារស្មាតហ្វូនរបស់ខ្លួន ដោយផ្ដោតតែនៅលើទីផ្សារអឺរ៉ុប និង នៅអាស៊ីបូព៌ា ហើយកាត់បន្ថយនៅអាស៊ីអាគ្នេយ៍។
ការកាត់បន្ថយបុគ្គលិកនេះគឺក្រោយពីទីផ្សាររបស់ Sony Mobile កាន់តែរួមតូចទៅៗ ដោយមានមិនដល់ ១% ផង ហើយចំនួនលក់ស្មាតហ្វូននៅឆ្នាំ ២០១៨ រំពឹងថាមានចំនួនត្រឹម ៦,៥ លានគ្រឿងប៉ុណ្ណោះ។ តាមរយៈការផ្លាស់ប្ដូររចនាសម្ព័ន្ធនេះ ក្រុមហ៊ុនរំពឹងថាជំនួញផលិតស្មាតហ្វូននឹងអាចរកប្រាក់ចំណេញបាននៅត្រីមាសឆ្នាំ ២០២០៕
