- 2019-03-25 02:39:12
- ព័ត៌មាន
អនាគតយន្តហោះឆ្នាំ ២០៣០ លែងមានបង្អួច តែបំពាក់ជំនួសដោយអេក្រង់ OLED
- 2019-03-25 02:39:12
- ចំនួនមតិ 0 | ចំនួនចែករំលែក 0
អនាគតយន្តហោះឆ្នាំ ២០៣០ លែងមានបង្អួច តែបំពាក់ជំនួសដោយអេក្រង់ OLED
ចន្លោះមិនឃើញ
នៅពេលធ្វើដំណើរលើយន្តហោះមនុស្សម្នាក់ៗតែងតែដណ្ដើមចង់បានទីតាំងកៅអីជិតបង្អួច ដើម្បីអាចមើលឃើញទេសភាពនៅខាងក្រៅលំហដ៏ស្រស់ស្អាត។ ប៉ុន្តែទៅថ្ងៃមុខបញ្ហានេះនឹងត្រូវបានបញ្ចប់ក្រោយក្រុមហ៊ុនស្រាវជ្រាវនិងបច្ចេកវិទ្យារបស់អង់គ្លេសបានកំពុងត្រៀមណែនាំនូវយន្តហោះដ៏ល្អឥតខ្ចោះមួយ។
ក្រុមហ៊ុន The Center for Process Innovation បាននឹងកំពុងច្នៃប្រឌិតបង្កើតនូវយន្តហោះដែលគ្មានបង្អួច ផ្ទុយទៅវិញជំនួសដោយការបំពាក់នូវកញ្ចក់អេក្រង់ OLED ដែលផ្ដល់ឲ្យអ្នកដំណើរនូវបង្អួចបែបសិប្បនិម្មិត។
គម្រោងនេះត្រូវបានគេជឿជាក់ថានឹងសម្រេចទៅបានក្នុងអំឡុង ១០ ទៅ ១៥ ឆ្នាំបន្ទាប់។ អេក្រង់ Touch Screen ដ៏ទំនើប នឹងមានភ្ជាប់ជាមួយប្រព័ន្ធកាមេរ៉ាដែលបំពាក់នៅផ្នែកខាងក្រៅតួយន្តហោះ ដើម្បីចាប់យកទស្សនីយភាពពិតៗនៅខាងក្រៅ ហើយបញ្ជូនទិន្នន័យមកបង្ហាញលើផ្ទៃអេក្រង់ដូចផុសនៅនឹងមុខ។
អត្ថប្រយោជន៍នៃការច្នៃប្រឌិតថ្មីនេះ ក្រៅពីបន្ថែមនូវគុណសម្បត្តិងាយស្រួលជាច្រើន ទៀតសោតក៏អាចឲ្យអ្នកដំណើរអាចអង្គុយនៅគ្រប់ទីតាំងណាបានទាំងអស់ និងពុំបាច់បារម្ភពីការខកខានមើលទេសភាពពីលើអាកាសដ៏ស្រស់ស្អាតនោះឡើយ។
ទស្សនាវីដេអូខាងក្រោម៖
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
