បើអត់ត្រូវចិត្ត AirPods នេះកាសឥតខ្សែ ៤ ម៉ូឌែលធូរថ្លៃចាប់ពី ៥០ ដល់ជាង ១០០ ដុល្លារ

2019-03-18 02:16:26
ព័ត៌មាន

2019-03-18 02:16:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារកាសឥតខ្សែកាន់តែមានការពេញនិយមខ្លាំងឡើង ដោយតាមការព្យាករណ៍នៅឆ្នាំ ២០២០ នឹងមានកំណើនតួលេខលក់ដល់ ១២៩ លានគ្រឿង។ AirPods របស់ក្រុមហ៊ុន Apple សព្វថ្ងៃកំពុងនាំមុខលើទីផ្សារ ដោយទិន្នន័យពី Counterpoint បានឲ្យដឹងថាមានប្រមាណ ៣៥ លានគ្រឿងដែលលក់ចេញកាលពីឆ្នាំ ២០១៨។

អតិថិជនមានចំណង់ចំណូលចិត្តខុសប្លែកគ្នា ដោយអ្នកខ្លះអាចគិតថា AirPods មានតម្លៃថ្លៃ និងខ្លះទៀតក៏ចាប់អារម្មណ៍លើផលិតផលដទៃ។ ក្នុងនោះយើងណែនាំនូវកាសឥតខ្សែ ៤ ម៉ូឌែល ដែលមានតម្លៃធូរថ្លៃចន្លោះពី ៥០ ទៅជាង ១០០ ដុល្លារ៖

១.TOZO T10 TWS Bluetooth 5.0 Earbuds

តម្លៃ ៤៩,៩៩ ដុល្លារលើគេហទំព័រ Amazon កាសឥតខ្សែដ៏ទំនើបមួយនេះអាចថាជាជម្រើសល្អបំផុតសម្រាប់ធុនតម្លៃក្រោម ៥០ ដុល្លារ។ កាស TOZO ផ្តល់ឲ្យអតិថិជនអាចប្រើប្រាស់បាន ៣,៥ ម៉ោងសម្រាប់ការសាកមួយពេញម្តង ជាមួយមុខងារការពារជម្រាបទឹកស្តង់ដារ IPX8។

២.Fonico True Wireless Bluetooth Earbuds

មួលមួយភ្លែតច្រឡំកាស AirPods ជំនាន់ពណ៌ខ្មៅ ដោយមានស្តង់ដារការពារជម្រាបទឹក IPX5 អាចប្រើប្រាស់បាន ៣,៥ ម៉ោង។ គាំទ្រមុខងារបញ្ជាដោយសំឡេង ជាមួយតម្លៃ ១២៩,៩៩ ដុល្លារ លើគេហទំព័រ Amazon។

៣.Samsung Galaxy Buds

ចាប់ដៃសហការជាមួយនឹងក្រុមហ៊ុនជំនាញ AKG ទីបំផុត Samsung ក៏បានចេញផ្សាយនូវ Galaxy Buds ដែលមានតម្លៃ ១២៩,៩៩ ដុល្លារ។ ជាមួយការសាកបញ្ចូលថ្មមួយពេញប្រើពេលត្រឹម ១៥ នាទី អាចស្ដាប់បានដល់ ១,៧ ម៉ោង។ គាំទ្រជំនួយការឆ្លាតវៃ Bixby អ្នកអាចប្រើសំឡេងបញ្ជាឲ្យដំណើរការមុខងារមួយចំនួនបានទៀតផង។ ចំពោះតម្លៃដាក់លក់លើគេហទំព័រ Samsung ថ្លៃ ១២៩,៩៩ ដុល្លារ។

៤.YEVO Air Wireless Earbuds

សាកថ្ម ១៥ នាទី អាចប្រើប្រាស់ (Playtime) បានដល់ ៣,៥ ម៉ោង ដោយមានប្រអប់រចនាមិនចាញ់កាសស្លាកយីហោថ្លៃដទៃឡើយ។ ជាមួយមុខងារ Multi-function នៅលើប៊ូតុង អាចបញ្ជាបិទបើកចម្រៀង ឬហៅចេញចូលរហ័សបំផុត ចំពោះតម្លៃថ្លៃ ១៣៦ ដុល្លារលើគេហទំព័រ Fartech៕