- 2019-03-18 01:50:52
- ព័ត៌មាន
ស្មាតហ្វូនបត់បាន Xiaomi គ្រោងដាក់លក់តម្លៃទាបជាង Galaxy Fold ពាក់កណ្តាល
- 2019-03-18 01:50:52
- ចំនួនមតិ 4 | ចំនួនចែករំលែក 15
ស្មាតហ្វូនបត់បាន Xiaomi គ្រោងដាក់លក់តម្លៃទាបជាង Galaxy Fold ពាក់កណ្តាល
ចន្លោះមិនឃើញ
ស្មាតហ្វូនបត់បានពីរម៉ូឌែលបានចេញផ្សាយធ្វើឲ្យកក្រើកពិភពលោកកាលពីពេលកន្លងទៅ ដោយរួមមាន Galaxy Fold របស់ Samsung ថ្លៃ ១ ៩៨០ ដុល្លារ និង Mate X របស់ Huawei ថ្លៃ ២ ៦០០ ដុល្លារ។ ឆ្លើយតបនឹងការមិនចង់ឲ្យអតិថិជនចំណាយច្រើន ក្រុមហ៊ុនប្រទេសចិន Xiaomi ក៏មានគម្រោងនឹងចេញផ្សាយស្មាតហ្វូនបត់របស់ខ្លួន ជាមួយតម្លៃប្រហាក់ប្រហែល ៩៩៩ ដុល្លារ ។
យោងតាមសារព័ត៌មាន Igyaan បានឲ្យដឹងថាម៉ូឌែល Mi Fold ឬ Mi Flex នឹងមានតម្លៃ ៩៩៩ ដុល្លារ ឬ ៧៤ ៩៩៩ រូពី ( ១ ០៨៧ ដុល្លារ) នៅទីផ្សារឥណ្ឌា ដោយក្រុមហ៊ុនគ្រោងដាក់លក់នៅចន្លោះខែមេសា-មិថុនា ជាមួយជំហានដំបូងបោះចូលទីផ្សារកំណើតប្រទេសចិន មុនចែកចាយជាបន្តបន្ទាប់ទៅក្នុងទីផ្សារសកល។
ប្រភពដដែលបន្តថាមូលហេតុដែលតម្លៃមានភាពខុសគ្នាដល់ទៅពាក់កណ្តាលធៀបនឹងផលិតផលក្រុមហ៊ុនដទៃ ក៏ដោយសារ Xiaomi នឹងបំពាក់នូវអេក្រង់ OLED ដែលផលិតដោយក្រុមហ៊ុន Visionox Technology ពោលគឺអាចនឹងមានគុណភាពខុសគ្នាធៀបនឹងអេក្រង់ OLED លើ Galaxy Fold និង Mate X។
ចំពោះលក្ខណៈសម្បត្តិម៉ាស៊ីន Mi Fold រំពឹងប្រើប្រាស់បន្ទះឈីបជំនាន់ចុងក្រោយ Qualcomm Snapdragon 855 SoC ជាមួយទំហំ RAM 10GB។ ខាងក្រោមបង្ហាញពីវីដេអូនៃរូបរាងព្យាករណ៍ធ្លាប់បានលេចធ្លាយកាលពីខែមករា៖
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
