- 2019-03-04 04:17:06
- ព័ត៌មាន
Sony សម្រេចបញ្ចប់ជីវិតម៉ាស៊ីនហ្គេម PS Vita
- 2019-03-04 04:17:06
- ចំនួនមតិ 0 | ចំនួនចែករំលែក 0
Sony សម្រេចបញ្ចប់ជីវិតម៉ាស៊ីនហ្គេម PS Vita
ចន្លោះមិនឃើញ
យោងតាមសេចក្តីប្រកាសចេញពីទំព័រ Vita របស់ Sony កន្លងទៅនេះ បានឲ្យដឹងថាក្រុមហ៊ុនខ្លួនសម្រេចបញ្ចប់នូវជីវិតម៉ាស៊ីនហ្គេម PlayStation Vita ជាផ្លូវការហើយ។
ការផ្តាច់ចង្វាក់ផលិតកម្មនេះឆ្លើយតបទៅនឹងការលើកឡើងរបស់នាយកជាន់ខ្ពស់លោក Hiroyuki Oda តាំងពីឆ្នាំមុនមកម្ល៉េះ ថាក្នុងឆ្នាំ ២០១៩ Sony នឹងបិទរាល់ការផលិតនិងដឹកជញ្ជូនគ្រប់ជំនាន់ឧបករណ៍ទាំងអស់។ មានអាយុកាលជាង ៧ ឆ្នាំ ម៉ាស៊ីនហ្គេមខ្នាតតូចមួយនេះ ពុំមានតួលេខលក់បង្ហើបច្បាស់លាស់នោះឡើយ ប៉ុន្តែតាមការព្យាករណ៍ពីភាគីទីបីគឺមានចន្លោះពី ១០ ទៅ ១៥ លានគ្រឿង។
កាលពីឆ្នាំ ២០១៥ ក្រុមហ៊ុន Sony ក៏បានដកខ្លួនពីការផលិតហ្គេមសម្រាប់ម៉ាស៊ីន Vita លុះដល់ឆ្នាំ ២០១៨ បញ្ឈប់ការផលិត រហូតដល់ឆ្នាំនេះផ្តាច់ចោលទាំងស្រុងមិនថាការលក់។
រំឭកថាម៉ាស៊ីន PlayStation Vita (PCH-1000) បង្ហាញខ្លួនជាលើកដំបូងនាថ្ងៃទី ១៧ ធ្នូ ឆ្នាំ ២០១១ ក្នុងទីផ្សារប្រទេសជប៉ុន មុនប្រលូកចូលទីផ្សារអាមេរិកខាងជើងនាថ្ងៃទី ១៥ កុម្ភៈ ឆ្នាំ ២០១២។ លុះជំនាន់ទីពីរ (PCH-2000) ក៏ចេញផ្សាយបន្តកន្ទុយគ្នាចន្លោះឆ្នាំ ២០១៣-១៤។ ប៉ុន្តែស្របពេលវត្តមាន PS Vita មកដល់ វិស័យឧស្សាហកម្មស្មាតហ្វូននិងថេបប្លែតក៏មានភាពរីកចម្រើនព្រមគ្នា ជាហេតុជំរុញឲ្យការលេងហ្គេមលើម៉ាស៊ីនដៃខ្នាតតូច ផ្តើមមានការធ្លាក់ចុះខ្លាំង៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
