Nubia ចេញស្មាតហ្វូនកូនកាត់នាឡិកាដៃ បត់អេក្រង់បាន!

2019-02-26 03:15:00
ផលិតផលថ្មី

2019-02-26 03:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកទាំងអស់គ្នា ប្រហែលជាកំពុងតែភ្ញាក់ផ្អើលពីការមកដល់នៃជំនាន់ស្មាតហ្វូនបត់អេក្រង់បានដូចជា Samsung Galaxy Fold, Huawei Mate X, Oppo និង TCL។ ចំណែកស្មាតហ្វូន ដែលកាន់តែប្លែកបន្តទៀតនៅឆ្នាំ ២០១៩ នេះគឺ Nubia Alpha។

Nubia Alpha មានរូបរាងដើមជា នាឡិកាឆ្លាតវៃ តែអាចខលចេញ-ចូលបានដូចស្មាតហ្វូន ជាមួយនឹងបច្ចេកវិទ្យា eSIM ដែលអ្នកធ្លាប់ឃើញមានលើស្មាតហ្វូន iPhone របស់ Apple។

Alpha បំពាក់ដោយអេក្រង់ OLED ផលិតដោយ Visionox ។ វាមានបច្ចេកវិទ្យា Bluetooth និង Wi-Fi ដែលជួយឲ្យអ្នកប្រើអាចសរសេរសារ ផ្ញើរសារ ខលចេញចូល និងភ្ជាប់អ៊ិនធើណិតដោយមិនចាំបាច់មានទូរសព្ទនៅក្បែរនោះទេ ព្រមទាំងមានបច្ចេកវិទ្យាកាពារជម្រាបទឹកផងដែរ។

ស្មាតហ្វូន Alpha មានបំពាក់កាមេរ៉ាទំហំ ៥ មេហ្គភិចសែល តែដំណើរការ Wear OS ប្រើឈីប Snapdragon Wear 2100 SoC មាន RAM 1GB។ អ្នកអាចបញ្ជាវាដោយប្រើសំឡេង ប្រើកាយវិការគូសវាសលើអេក្រង់(Air gestures) និងជាពិសេសវាមានមុខងារ multi-touch control ដើរយ៉ាងរហ័ស ពេលផ្លាស់ពីមួយទៅមួយ។

ក្នុង Alpha អ្នកអាចទុកបទចម្រៀងលើសពី ១០០០ បទ។ មានមេម៉ូរីក្នុងម៉ាស៊ីន ៨ GB មានថាមពលថ្មត្រឹមតែ ៥០០ មីលីអំពែម៉ោងប៉ុណ្ណោះ តែ Nubia ប្រកាសក្តែងៗថា Alpha អាចរស់បានពេញមួយថ្ងៃ និងឈានដល់ ២ ថ្ងៃទៀតផង។

ត្បិតថា វាដូចជារបស់ Concept តែមិនមែននោះទេ ដោយសារតែ Nubia ដាក់តម្លៃជាក់លាក់ទៅហើយ ពោលគឺ វានឹងមានវត្តមានលើទីផ្សារជាមួយនឹងជម្រើសម៉ូឌែលមានមុខងារ Bluetooth លក់នៅប៉ែកអឺរ៉ុបនិងអាមេរិកខាងជើងក្នុងតម្លៃ ៥១០ ដុល្លារ។ ជម្រើសម៉ូឌែល eSIM តម្លៃ ៦២៣ ដុល្លារ។ ឯជម្រើសម៉ូឌែលពណ៌មាសគឺ ៧៣៧ ដុល្លារ។ ចំពោះពណ៌ទូទៅគឺ ខ្មៅ និងពណ៌មាស៕