• 2019-02-23 06:45:25
  • ព័ត៌មាន

​រឹត​តែ​ច្បាស់​ហើយ​ថា Apple ចេញ iPhone 5G ក្រោយ​​គូ​ប្រជែង​​

  • 2019-02-23 06:45:25
  • ចំនួនមតិ 0 | ចំនួនចែករំលែក 13

ចន្លោះមិនឃើញ

​​​​​​កន្លង​មក​​អ្នក​វិភាគ​ជា​ច្រើន​បាន​​បង្ហាញ​ក្ដី​រំពឹង​ថា iPhone ដែល​អាច​ទ្រាំទ្រ​នឹង​សេវា 5G នឹង​លេច​មុខ​នៅ​ឆ្នាំ ២០២០ ឯណោះ។ ពេល​នេះ​​ការ​ចុះ​ផ្សាយ​ថ្មី​ចុង​ក្រោយ​របស់​ Reuters បាន​បញ្ជាក់​បន្ថែម​​លើ​កាល​បរិច្ឆេទ​នេះ។

តាម​ការ​ចេញ​ផ្សាយ​របស់​ Reuters ប្រធាន​ក្រុមហ៊ុន Intel បាន​លើក​ឡើង​ថា​ឈីប​ 5G របស់​ខ្លួន​នឹង​បង្ហាញ​មុខ​លើ​ស្មាតហ្វូន​នៅ​ឆ្នាំ ២០២០។ គួរ​ដឹង​ថា​បច្ចុប្បន្ន​នេះ​​ Intel គឺ​ជា​​ដៃ​គូ​ផ្គត់ផ្គង់​ដ៏​ធំ​របស់​ Apple សម្រាប់​ឈីប​ Modem លើ iPhone។ ដូច​នេះ​ការ​លើក​​ឡើង​នេះ​ មាន​ន័យ​ថា​នៅ​ឆ្នាំ ២០២០ ទើប​ Apple អាច​ចេញ iPhone 5G បាន។

គួរ​ដឹង​ថា​ក្រុមហ៊ុន​ផលិត​ស្មាតហ្វូន Android ​ភាគ​ច្រើន​នា​ពេល​បច្ចុប្បន្ន​កំពុង​សង្វាត​បញ្ចេញ​ស្មាតហ្វូន 5G ដំបូង​របស់​ខ្លួន ​ដែល​​ប្រើ​ប្រាស់​​នូវ​​ឈីប​ Modem 5G របស់​ក្រុមហ៊ុន Qualcomm។ ចំពោះ​ Apple វិញ ដោយ​សារ​តែ​មាន​ជម្លោះ​ជា​មួយ​នឹង Qualcomm ទើប​ក្រុមហ៊ុន​នេះ មិន​អាច​ប្រើ​ប្រាស់​ឈីប​របស់​ Qualcomm បាន៕​​​​​

ប្រភព៖ PhoneArena ប្រែ​សម្រួល៖ សុខហេង

មតិយោបល់