ក្តៅៗ SsangYong សេរីថ្មីឈ្នះពានលំដាប់ពិភពលោក ២០១៩ ឥលូវមានតាំងនៅ Showroom សម្ពោធថ្មីម្សិលមិញហើយ

2019-02-16 11:09:30
ព័ត៌មាន

2019-02-16 11:09:30
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីល្ងាចម្សិលមិញនេះ (ថ្ងៃសុក្រ ទី១៥ កុម្ភៈ ឆ្នាំ២០១៩) SsangYongបានបើកសម្ពោធ អគារតាំងបង្ហាញរថយន្តបន្ថែមថ្មីមួយទៀតហើយកាន់ធំ និងទំនើប នៅចំកណ្តាលទីក្រុងភ្នំពេញ ដែលមានទីតាំងស្ថិតនៅលើមហាវិថីសហព័ន្ធ រុស្សី (ក្បែរស្ពានអាកាសសាលាតិចណូ)។

នេះគឺជាអគារតាំងបង្ហាញទី២ របស់ខ្លួន បន្ទាប់ពីសាខាចោមចៅ ដែលបានបើកដំណើរការកាលពីឆ្នាំមុន។ ពិធីសម្ពោធជាផ្លូវការនេះនឹងត្រូវបានដឹកនាំដោយនាយកប្រតិបត្តិនៃក្រុមហ៊ុន SsangYong Cambodia និង អ្នកគ្រប់គ្រងទូទៅនៃក្រុមហ៊ុន Asia / KD Export Team SsangYong Motor និងក្រុមការងារនៃក្រុមហ៊ុន SsangYong ជាច្រើនរូបទៀត។

អគារតាំងបង្ហាញថ្មី ដែលមានរាងបួនជ្រុងស្មើយ៉ាងទូលាយ នឹងក្លាយជាកន្លែងនៃការតាំងបង្ហាញនូវគ្រឿងតុបតែងផ្ទៃខាងក្នុងនៃរថយន្តដ៏ទាក់ទាញបំផុតនៅកម្ពុជាយើងបច្ចុប្បន្ន។ ការបើកសម្ពោធនេះនឹងបង្ហាញពីម៉ូដែលរថយន្តចុងក្រោយបំផុតរបស់ SsangYong ដែលបង្ហាញពីការច្នៃប្រឌិតរបស់រថយន្ត SUV ដ៏ទំនើប និងជារថយន្តដែលបានឈ្នះពានរង្វាន់លំដាប់ពិភពលោកទៀតផង។

លោក Lee Jae Hoo អគ្គនាយកប្រតិបត្តិនៃក្រុមហ៊ុន SsangYong Cambodia បានលើកឡើងថា៖ «ក្រុមហ៊ុន SsangYong Cambodia បានបង្កើតអគារតាំងបង្ហាញដំបូងបង្អស់របស់ខ្លួននៅខែមីនា ២០១៨ ។ នៅក្នុងទីផ្សារប្រកួតប្រជែងនៃរថយន្តម៉ាកល្បីនេះ SsangYong បានគ្រប់គ្រងស្ថានភាពបានយ៉ាងឆាប់រហ័ស ដើម្បីបង្កើនភាគហ៊ុននៃទីផ្សាររបស់ខ្លួន។ ដំណើរការលក់របស់យើងគឺគួរឱ្យភ្ញាក់ផ្អើលខ្លាំងណាស់សម្រាប់យើងដែលធ្វើឱ្យយើងសម្រេចចិត្តបង្កើតអគារតាំងបង្ហាញថ្មីមួយនេះនៅចំកណ្តាលនៃភ្នំពេញ ដើម្បីផ្តល់នូវភាពងាយស្រួលឡើងដល់អតិថិជនដែលមានស្រាប់ និងអតិថិជនបន្ថែមទៀតរបស់យើង» ។

លោក Yoon Jiseok អ្នកគ្រប់គ្រងទូទៅនៃក្រុមហ៊ុនSsangYong ប្រចាំប្រទេសកូរ៉េ (Asia/KD Export Team SsangYong Motor) បានឲ្យដឹងថា៖ «ក្រុមហ៊ុន SsangYong បានបើកដំណើរការតាំងពីឆ្នាំ១៩៥៤ គិតមកដល់ ឥលូវមានរយៈពេលជាង៦៥ឆ្នាំ លើជំនាញផលិតយានយន្ត ហើយយើងពិតជាមានមោទនភាពខ្លាំងណាស់ ចំពោះការផលិតរថយន្តរយៈពេលដ៏យូរអង្វែងរបស់យើង។ SsangYong បានផលិតរថយន្តប្រភេទ SUV, Pick Up, MPV Car ដែលមានលក្ខណៈ Dynamic Driving តាមបច្ចេកទេស 4 x4 ដែលគិតពីសុវត្ថិភាពជាចំបង និងខិតខំប្រឹងប្រែង ធ្វើយ៉ាងណាដើម្បីឲ្យបំពេញតាមតម្រូវការអតិថិជន»។

«ជារៀងរាល់ឆ្នាំ ការលក់របស់យើងមានកំណើនកើនឡើងរហូត ជាក់ស្តែងឆ្នាំ២០១៨ យើងលក់បានរថយន្តចំនួន១១៤៤០០ គ្រឿង និងក្នុងឆ្នាំ២០១៩ យើងជឿជាក់ថានឹងកើនដល់ ១៦៣០០០គ្រឿង។ ជាមួយកិច្ចសហប្រតិបត្តិការដ៏ល្អ ជាមួយក្រុមហ៊ុន SsangYong ប្រចាំកម្ពុជានេះ យើងនឹងធានាផ្គត់ផ្គង់នូវរថយន្តដ៏ល្អប្រណិតពីរោងចក្រយើងផ្ទាល់ មកកាន់ទីផ្សារប្រទេសកម្ពុជា»។ លោកបន្ថែម។

ការបើកសម្ពោធអគារតាំងបង្ហាញនេះផងដែរ ក៏នឹងមានការបង្ហាញពីពានរង្វាន់ដែលក្រុមហ៊ុន ទទួលបានផងដែរមានដូចជា SsangYong ឯកទេសរថយន្ត SUV ដ៏ល្បីល្បាញលើពិភពលោក World Renowned SUV Specialist: Enter and Experience the New SsangYong។

ដើម្បីបញ្ជាក់ពីចំណុចដ៏ល្អខាងលើនេះ ក្នុងឆ្នាំ ២០១៨ និងឆ្នាំ ២០១៩ រថយន្ត Rexton និងរថយន្ត Rexton Sports បានទទួលពានរង្វាន់ជា "រថយន្តដែលមានគុណតម្លៃល្អដាច់គេ"ពីទស្សនាវដ្ដី 4X4 នៃចក្រភពអង់គ្លេស ដែលជារៀងរាល់ឆ្នាំទស្សនាវដី្តដ៏ល្បីនេះបានជ្រើសរើសគំរូរថយន្តជិត៩០ គំរូរថយន្ត សម្រាប់ការសិក្សាស៊ីជម្រៅ និងការវាយតម្លៃ ដើម្បីធ្វើការប្រកួតប្រជែង។

ចង់ស្គាល់ច្បាស់ពីថា រថយន្ត SsangYong ទំនើបទាក់ទាញប៉ុណ្ណាដល់ថ្នាក់ឈ្នះពានរង្វាន់លំដាប់ពិភពលោកនេះ អាចទៅមើលដោយផ្ទាល់នៅ SsangYong Showroom ថ្មីនេះ៖

ទីតាំងស្ថិត ៖ តាមបណ្តោយមហាវិថីសហព័ន្ធរុស្សី (កែងមហាវិថីសហព័ន្ធរុស្សី និងវត្តនាគវ័ន) សង្កាត់ផ្សារដេប៉ូ ៣ ខណ្ឌទួលគោក ភ្នំពេញ។
លេខទូរស័ព្ទ ៖ 098 456 888 / 095 456 888៕

អត្ថបទ៖ លីដា