ត្រៀមតែលុយទៅ! លឺដំណឹង AirPods 2/iPad Mini 5/AirPower បើកកុម្ម៉ង់ខ្ទង់ថ្ងៃ ២២ មិនា

2019-02-14 02:40:00
ព័ត៌មាន

2019-02-14 02:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ចុងក្រោយបង្អស់លើគេហទំព័រ iphonehellas.gr របស់ប្រទេសក្រិកបានបញ្ជាក់ថាខ្លួនទើបទទួលដំណឹងបែកធ្លាយពីប្រភពក្រុមហ៊ុនផ្គត់ផ្គង់ឲ្យ Apple នៅចិនថានឹងមានការបើកឲ្យបញ្ជាទិញ (Pre-Order) ផលិតផលថ្មីរួមមានកាស AirPods 2, ឧបករណ៍សាកថ្មឥតខ្សែ AirPower និង iPad Mini 5 នាថ្ងៃទី ២២ មិនា និងចេញលក់ផ្លូវការនាថ្ងៃទី ២៩ មិនាអំឡុងមួយសប្តាហ៍បន្ទាប់។

រីឯការបង្ហាញខ្លួននឹងធ្វើឡើងក្នុងព្រឹត្តិការណ៍ដ៏ធំមួយរបស់ Apple នាចន្លោះថ្ងៃទី ១១ ទៅ ២០ មិនា ឆ្នាំ ២០១៩។ ចំពោះចចាមអារ៉ាមកន្លងទៅកាស AirPods ជំនាន់ទីពីរ រំពឹងបើកឲ្យប្រើមុខងារ Hey Siri និងការតាមដានសុខភាព Health Monitoring គួបផ្សំតម្លៃឡើងខ្ពស់ជាងមុនប្រមាណ ៥០ ដុល្លារ។

ចំណែកឯ AirPower ដែលជាឧបករណ៍សាកថ្មឥតខ្សែធ្លាប់លេចមុខក្នុងផ្ទាំងបង្ហាញរបស់ Apple តាំងពីឆ្នាំទៅ ក៏នឹងមានលក់ផ្លូវការ បន្ទាប់ពីក្រុមហ៊ុនផ្គត់ផ្គង់ចិនទើបចាប់ផ្តើមបង្វែរចូលចង្វាក់ផលិតកម្មកាលពីចុងខែមករា។

ទៅមើលត្រកូល iPad Mini ដែលខកខានចេញផ្សាយតាំងពីខែកញ្ញា ឆ្នាំ ២០១៥ នឹងឡើងដល់ជំនាន់ Mini 5 ដោយផ្អែកតាមដំណឹងមុននេះបន្តិច Apple ក៏ទើបចុះបញ្ជី iPad ជំនាន់ថ្មីដល់ទៅ ៧ ម៉ូឌែលជាមួយ EEC ក្នុងនោះយ៉ាងហោចណាស់មានសេរ៊ី Mini មួយម៉ូឌែល និងឯទៀតជាប្រភេទ iPad ធូរថ្លៃអេក្រង់ ៩,៧ អ៊ីញ។